پاۆلوداردا زەينەتكەر بىرنەشە تاپانشا مەن مىلتىقتى قايتا جاساعان
پاۆلودار. قازاقپارات - پاۆلودار تۇرعىنى اڭشىلىق قارۋلارىن زاڭسىز ساقتاعان. 66 جاستاعى ازامات ولاردى قايتا وزگەرتىپ جاساۋمەن اينالىسىپ كەلگەن.
ارنايى تەكسەرىس كەزىندە پاۆلودار اۋىلىنىڭ تۇرعىنىنان گازدى، تراۆماتيكالىق جانە پنيەۆماتيكالىق 4 تاپانشا، ءار ءتۇرلى كاليبرلى 30 پاترون، 12- كاليبرلى شولاق مىلتىق پەن ءار ءتۇرلى كاليبردەگى اڭشىلىق اتىس قارۋىنا 18 ۇڭعى تابىلعان.
سونداي- اق وق- دارىلەردى دايىنداۋعا ارنالعان قوسپالار مەن ارنايى ۇستەل دە تاركىلەندى. قازىر وسى قارۋ- جاراقتاردى تاپسىرعاندار دا انىقتالىپ جاتىر. ال ولاردى تەك جوندەۋمەن اينالىسىپ كەلگەنىن جەتكىزگەن زەينەتكەر بەس جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى ktk.kz.
