قاراعاندى وبلىسىنىڭ اكىمى قىس بويى ءبىر كۇرتكەمەن جۇرەدى
قاراعاندى. قازاقپارات - قاراعاندى وبلىسىنىڭ اكىمى نۇرمۇحامبەت ابدىبەكوۆ ءوزىنىڭ جەكە بيۋدجەتىن قالاي ۇنەمدەيتىنىن ايتتى،
دەپ حابارلايدى «قازاقپارات» ح ا ءا ءتىلشىسى.
«ارينە، ۇنەمدەۋگە تۋرا كەلەدى. مەنىڭ ەكى ۇلىم ەرجەتتى، ولار جۇمىس ىستەيدى، وزدەرى اقشا تابادى. ەگەر مەن بۇرىن ازداپ كومەكتەسۋگە تىرىسسام، قازىر ونداي مۇمكىندىك شەكتەۋلى»، - دەدى ن. ابدىبەكوۆ ورتالىق كوممۋنيكاتسيالىق قىزمەتتىڭ وبلىستىق فيليالىندا وتكەن بريفينگتە.
«ەگەر نازار سالعان بولساڭىزدار، كۇزدە ءبىر كۇرتكە كيگەن ەدىم، سونىمەن قىس بويى ءجۇرمىن. باسقاسى جوق».
ونىڭ ايتۋىنشا، يتالياندىق سىرتقى كيىمدى جەرگىلىكتى امبەباپ دۇكەننەن ساتىپ العان.
«زايىبىممەن بىرگە دۇكەنگە بارامىن، ارزانداۋىن تاڭدايمىن. تۇسكى تاماقتى ۇيدەن ىشەمىن، ەشقانداي مەيرامحاناعا بارمايمىن. قازىرگى ۋاقىتتا كەشكى تاماقتى ىشپەۋگە تىرىسامىن. بىلەتىندەردىڭ ايتۋىنشا، بۇل ءوزىڭدى سەرگەك تە جەڭىل سەزىنۋگە كومەكتەسەدى»، دەپ قوستى ءوڭىر باسشىسى.
