استانادا ساعادات نۇرماعامبەتوۆتىڭ سوڭعى سۇحباتىنا ارنالعان فيلم تانىستىرىلدى
تۋىندى كەڭەس وداعىنىڭ باتىرى، قازاقستاننىڭ حالىق قاھارمانى، قازاقستان رەسپبليكاسىنىڭ تۇڭعىش قورعانىس ءمينيسترى، ارميا گەنەرالىنىڭ ومىرىنەن سىر شەرتەدى.
«ساعادات نۇرماعامبەتوۆ ومىردەن وتەر الدىنداعى ەكى اي بۇرىن وسى سۇحباتتى العان ەدىم. بۇگىن تۇساۋكەسەرى ءوتىپ جاتقان فيلمنىڭ دە تاقىرىبى وسى سۇحباتقا ورايلاستىرىلىپ قويىلدى. وسىنداي باتىرلار تۋرالى كينو تۇسىرمەۋ قيانات دەپ بىلەمىن. بارشا ءومىرىن قارۋلى كۇشتەردىڭ قاتىرىندا وتكىزىپ، ەلدىڭ قاۋىپسىزدىگى ءۇشىن تەر توككەن تۇلعا. سوندىقتان ەلىمىزدىڭ ابىرويلى وفيتسەرلەرىن تاربيلەپ شىققان حالىق قاھارمانى تۋرالى فيلمدى ءتۇسىرۋ پارىزىمىز. تۋىندىنى كەلەشەك ۇرپاعىمىزعا، جاستارعا ۇلگى-ونەگە كورسەتۋ ماقساتىندا دايىندادىق»، - دەدى سەناري اۆتورى ساتىبالدى تەكەيەۆ.
فيلم جەلىسىندە باتىردىڭ تاعدىرى، تۋعان ەلىنە دەگەن پاتريوتتىعى، اسكەري سالانىڭ اسا ءىرى مامانى رەتىندە قالىپتاسۋى مەن تۇلعانىڭ ادامي قاسيەتتەرىنە ايرىقشا ءمان بەرىلگەن.
تۇساۋكەسەر راسىمىنە ق ر قورعانىس مينيسترلىگى، ق ر ىشكى ىستەر مينيسترلىگى، رەسپۋبليكالىق ارداگەرلەر كەڭەسىنىڭ وكىلدەرى جانە ەكىنشى دۇنيەجۇزىلىك جانە اۋعان سوعىسىنىڭ ارداگەرلەرى، تىل ەڭبەككەرلەرى، ستۋدەنت جاستار قاتىستى.
اۆتور: رۋسلان عابباسوۆ
