قازاقستاندا ەڭ ادەمى كەلىنشەك تيتۋلى كىمگە بۇيىردى؟ - فوتو
وعان ارنايى ءتاج بەن 100 مىڭ تەڭگە كولەمىندە اقشالاي سىياقى تابىستالاتىن بولادى دەپ حابارلايدى «ەكسپرەسس ك».
بارلىق ۇمىتكەرلەر دە گران-پريگە لايىق بولعانىمەن، ولاردىڭ اراسىنان الما كوش باستادى. جاسىل كوزدى ارۋ ەندى جىلتىراق جۋرنالدىڭ مۇقاباسىنا شىعاتىن بولادى. كەلىنشەك باسكەتبولمەن شۇعىلدانىپ، قىزاناق شىرىنىن ىشكەندى ۇناتادى.
ول ءۇشىن ادامداردىڭ شىنايى ءارى ءادىل بولعانى باستى ورىندا. ۇل تاربيەلەپ وتىرعان الما جاقسىلاپ ۇيقىسى قانعانىن ارمانداپ جۇرگەنىن ايتىپ، ازىلدەدى. ول نەگىزىنەن الەم ارالاۋعا قىزىعادى ەكەن.
«Missis.kz-2015» بايقاۋى اياقتالعانىمەن، قاڭتار ايىندا جاڭا ماۋسىمى باستالىپ كەتتى. وتباسىلى ايەلدەر الما سەكىلدى باعىن سىناپ كورە الادى. اتالمىش رەسپۋبليكالىق بايقاۋعا تەك كۇيەۋگە شىققان ايەلدەر عانا قاتىسا الادى.
ول ءۇشىن جوبانىڭ سايتىنا ادەمى فوتولارىڭىزدى جىبەرىپ ساۋالناما تولتىرۋىڭىز كەرەك. تىركەلۋى تەگىن. ءار اي سايىن كوپشىلىكتىڭ داۋىسىنا وراي فيناليستەر انىقتالىپ وتىرادى. ەڭ ۇزدىك دەلىنگەن 12 قاتىسۋشى ەڭ باستى ءتاج ءۇشىن بايقاۋدا باق سىنايتىن بولادى.
