ا ق ش بيلىگى عىلىم تۋرالى «پيراتتىق سايتى» ءۇشىن قازاقستاندىق ستۋدەنتتىڭ سوڭىنا ءتۇستى
Sci-Hub دەپ اتالاتىن ستۋدەنت قۇراستىرعان سايتتا جابىق سايتتارداعى اقىلى عىلىمي جۇمىستاردى تەگىن جۇكتەپ الۋدىڭ امالى قاراستىرىلعان. بۇل باستاما عىلىمي ەڭبەكتەرگە قولى جەتپەي جۇرگەن زەرتتەۋشىلەرگە ۇناعانىمەن، امەريكالىق بەلدى باسىلىم Elsevier- گە جاقپاي قالعان. سەبەبى Elsevier كوپتەگەن اقىلى عىلىمي ەڭبەكتەردى يەلىك ەتىپ، ساتۋدان تابىس تابادى.
الەكساندرا الەم بويىنشا مىڭداعان عالىمدار وعان عىلىمدى دامىتۋعا كومەكتەسىپ جۇرگەنى ءۇشىن العىس ءبىلدىرىپ وتىرعانىن العا تارتتى.
«باستاپقىدا مەن قانداي دا ءبىر راديكالدى ماقساتتى ۇستانبادىم، بارلىق عىلىمدى اشىق ەتۋ ويىمدا بولماعان. بۇل جاي عالىمدار ءۇشىن ەڭبەكتەرگە تەز قول جەتكىزۋگە كومەكتەسەتىن باعدارلاما بولدى»، - دەيدى الەكساندرا ەلباكيان.
جاقىندا Elsevier نيۋ-يورك سوتىندا Sci-Hub-تىڭ ۇستىنەن شاعىمدانىپ، جەڭىسكە جەتتى. ولار سايتتى جاۋىپ، ميلليون دوللار وتەماقى تولەۋدى تالاپ ەتىپ وتىر. دەگەنمەن بويجەتكەن بۇل ورايدا باستى پيرات - Elsevier ەكەنىنە سەنىمدى.
Elsevier جىل سايىن عىلىمي ەڭبەكتەردى ساتۋدان ورتا ەسەپپەن ميلليارد دوللاردان ارتىق پايدا تاۋىپ وتىرادى.
