قازاقستان ا ق ش پەن فرانسيا نارىقتارىنا ۋراننىڭ ءىرى جەتكىزۋشى بولدى
ۇلتتىق اتوم كومپانياسىنىڭ باسقارما ءتوراعاسى اسقار جۇماعاليەۆ قازاتوم ونەركاسىپتىڭ بيزنەستى ترانسفورماتسيالاۋ باعدارلاماسىن جۇزەگە اسىرۋ اياسىندا جۇرگىزىپ وتىرعان جۇمىستارى جونىندە اڭگىمەلەپ، العاشقى ناتيجەلەر مەن 2016 -جىلداعى كورسەتكىشتەر كارتاسىن تانىستىردى.
2015 -جىلى قابىلدانعان شارالار قورىتىندىسى بويىنشا قازاتومونەركاسىپتىڭ ەكونوميكالىق قوسىمشا قۇنى (EVA)15,4 ميلليارد تەڭگەگە ءوستى. ءوندىرىس تيىمدىلىگىن ارتتىرۋ، تەحنولوگيالىق ۇدەرىستەردى وڭتايلاندىرۋ جانە قۋات ۇنەمدەۋ بويىنشا قابىلدانعان كەشەندى ءىس- شارالار ناتيجەسىندە كومپانيا ءوندىرىستىڭ وزىندىك قۇنىن 16,4 ميلليارد تەڭگەگە قىسقارتا ءبىلدى.
«2015 -جىل قورىتىندىسى بويىنشا 23800 توننا ۋران وندىرگەن قازاقستان ءىرى تابيعي ۋران ءوندىرۋشى رەتىندەگى الەمدەگى كوشباسشىلىق ورنىن ساقتاپ قالدى. سونداي- اق ەلىمىز ا ق ش پەن فرانسيا نارىعىنداعى ءىرى ۋران جەتكىزىپ بەرۋشىگە اينالدى»، - دەلىنگەن حابارلامادا.
«قازاتوم ونەركاسىپ الدىندا ەلىمىزدىڭ اتوم ونەركاسىبىن دامىتۋ بويىنشا ۇلكەن ماقساتتار تۇر. جۇمىس باستالىپ، كومپانيانى وڭتايلاندىرۋ، كاسىپورىنداردىڭ باس كەڭسەلەرىن وندىرىسكە جاقىن كوشىرۋ بويىنشا ناقتى شارالار قابىلدانعان. مۇنىڭ ءبارى ۇنەمدەۋمەن قاتار، جاقسى باسقارۋ تيىمدىلىگىن بەرەدى، بيزنەس وندىرىستىك ناقتىلىقتان قول ۇزبەي جۇمىس ىستەۋى ءتيىس - ترانسفورماتسيالاۋ اياسىندا قول جەتكىزەتىنىمىز دە وسى»، - دەپ اتاپ كورسەتتى «سامۇرىق- قازىنا» ا ق باسقارما ءتوراعاسى ءومىرزاق شوكەيەۆ.
كومپانيا قىزمەتىنىڭ باسقا دا ماڭىزدى ناتيجەلەرىنىڭ قاتارىندا جىلۋ بولگىش قۇرامالار (ج ب ق) شىعاراتىن زاۋىتتى جوبالاۋ جانە سالۋ تۋرالى قىتايلىق CGNPC كومپانياسىمەن جەلتوقساندا قول قويىلعان كەلىسىمدى، ەنشىلەس 10 كاسىپورىن كەڭسەلەرىنىڭ ۋران ءوندىرۋشى ايماقتارعا قونىس اۋدارۋىن، سونداي- اق ەنشىلەس كاسىپورىندار سانىنىڭ 82-دەن 72-گە كەمىگەنىن ايتۋعا بولادى.
كومپانيادا سونداي- اق، ينۆەستيتسيالىق قىزمەتتىڭ تيىمدىلىگىن ارتتىرۋعا باعىتتالعان جاڭا ينۆەستيتسيالىق ساياسات ازىرلەنىپ، قىزمەتكەرلەردى كونكۋرستىق ىرىكتەۋ مەن پ ق ك بويىنشا تيىمدىلىكتى باعالاۋ جۇيەسى ەنگىزىلدى.
ۇستىمىزدەگى جىلى قازاتوم ونەركاسىپ كورپوراتيۆتىك باسقارۋ جۇيەسىن جەتىلدىرۋ، وپەراتسيالىق مودەلدەر مەن بيزنەس- ۇدەرىستەردى جاقسارتۋ، تيىمدىلىكتى ارتتىرۋ جانە ءوندىرىستى ءارتاراپتاندىرۋ جۇمىستارىن جالعاستىراتىن بولادى.
قازاتوم ونەركاسىپتىڭ نەگىزگى قىزمەتىن دامىتۋعا، ۋران ونىمدەرىن وتكىزۋ نارىعىن كەڭەيتۋگە جانە ءوندىرىستى ءارتاراپتاندىرۋعا ايرىقشا نازار اۋدارىلماق. كومپانيا قالعان ەكى ەنشىلەس كاسىپورىندى دا ۋران وندىرىلەتىن وڭىرگە كوشىرۋدى، سپوتتىق نارىقتا ءونىم ساۋداسىمەن شۇعىلداناتىن ترەيدينگ كومپانياسىن قۇرۋدى، قىتاي، ا ق ش جانە رەسەيدەگى قازاتوم ونەركاسىپ وكىلدىكتەرىن تاراتۋدى، سونداي- اق بەيىندى ەمەس 18 كاسىپورىندى حولدينگ قۇرامىنان شىعارىپ، «ءۇ م ز» اق بازاسىندا ج ب ق شىعاراتىن زاۋىت قۇرىلىسىنىڭ تەحنيكا- ەكونوميكالىق نەگىزدەمەسىن ازىرلەۋدى اياقتاۋدى كوزدەپ وتىر.
