11:34, 17 - اقپان 2016 | GMT +5
الماتىنىڭ حايۋاناتتار باعى ارىستاننىڭ ابدانىمەن تولىقتى - فوتو
الماتى. قازاقپارات - الماتىنىڭ حايۋاناتتار باعى ارىستاننىڭ ابدانىمەن تولىقتى. حامزات دەپ اتالاتىن ەركەك كۇشىكتى زووباققا ءبىر جەكە تۇلعا وتكىزگەن. قازىر ونىڭ جاسى 8-9-اي شاماسىندا،
- دەپ حابارلايدى زووباقتىڭ باسپا ءسوز قىزمەتى.
ادەتتە، ادامدار جىرتقىش اڭداردىڭ تولدەرىن اۋەستىكتەن ەرمەك رەتىندە اسىرايتىنى بەلگىلى. ال كەيىن مۇنداي جانۋارلار وسە كەلە، وزدەرىنىڭ يەلەرىن «ەرمەككە» اينالدىرادى، تىستەلەپ مازالارىن الا باستايدى.
«حامزاتتى دا يەسى سول سەبەپتى زووباققا وتكىزىپ وتىر. حايۋاناتتار باعىنىڭ مال دارىگەرلەرى ونىڭ دۇرىس قورەكتەندىرىلمەگەنى سالدارىنان ءالى تولىق جەتىلمەگەنىن انىقتادى. سودان كۇنى بۇگىنگە دەيىن حامزات ىشكى كارانتيندە بولدى. بارلىق الدىن الۋ شاراسىنان كەيىن جىرتقىشتار ۇيىندەگى تورلى ورىنعا جايعاستىرىلدى. قازىر ول بىرتىندەپ، ءوسىپ كەلە جاتىر»، - دەلىنگەن حابارلامادا.
