عالىمدار: بىرگە تۇراتىن ادامداردىڭ يممۋنيتەتتەرى ۇقساس بولادى

استانا. قازاقپارات - كوپ ۋاقىت بويى بىرگە تۇراتىن ادامداردىڭ يممۋنيتەتتەرى ۇقساس بولادى.

بۇل تۋرالى 2-دەن 86 جاسقا دەيىنگى 670 ادامنىڭ قانىن زەرتتەگەن بەلگيالىق عالىمدار حابارلادى.

 ماماندار 54 ءتۇرلى يممۋندىق جاسۋشالاردىڭ بەلسەندىلىگىن تەكسەردى. ناتيجەسىندە يممۋندىق جۇيە قالپىنا كەلە الاتىنىن بايقاعان. اتاپ ايتقاندا، قانداي دا ءبىر كۇيزەلىسكە ۇشىراعان نەمەسە قاتتى اۋىرعان سوڭ، ءبىرقاتار ۋاقىت وتە كەلە ادامنىڭ يممۋندىق جۇيەسى العاشقى قالپىنا كەلگەن.

سونىمەن قاتار، كوپ ۋاقىت بويى بىرگە تۇرعان ادامداردىڭ يممۋنيتەتتەرى ءبىر- بىرىنە بەيىمدەلىپ، ۇقساس بولاتىنىن بايقادى.

اتالعان زەرتتەۋ ناتيجەلەرى تولىعىراق New Scientist عىلىمي باسىلىمىندا كورسەتىلدى.