شىعىس شايىرى نيزامي گانجاۋي تۋىندىلارىنىڭ قولجازباسى تۇركيادان تابىلدى

استانا. قازاقپارات - ازەربايجان ۇلتتىق عىلىم اكادەمياسى گياندجا بولىمشەسىنىڭ قىزمەتكەرلەرى تۇركيادان شىعىستىڭ جەتى جۇلدىزىنىڭ ءبىرى نيزامي گانجاۋي تۋىندىلارىنىڭ قولجازبالارىن تاۋىپ قايتتى.

بۇل تۋرالى «ەگەمەن قازاقستان» گازەتى» بۇگىنگى سانىندا جاريالادى.  

انادولى جەرىنە ارنايى ىسساپارمەن جىبەرىلگەن ولار مۇندا ايلاپ جۇمىس جاساعان. وسى ۋاقىت ارالىعىندا عىلىمي قىزمەتكەرلەر گياندجانىڭ اسكەري- ساياسي جانە ەكونوميكالىق تاريحىنا قاتىستى 181 ارحيۆتىك قۇجات جيناپ الدى.

ىزدەۋشىلەر ىستامبۇلدىڭ سۇلەيمانيا كىتاپحاناسىنان ازەربايجانعا سونداي- اق، نيزامي گانجاۋيدىڭ ءتۇپنۇسقاسى فرانسيا ۇلتتىق كىتاپحاناسىندا ساقتاۋلى تۇرعان 1365 تۋىندىسىنىڭ 649-ىنىڭ كوشىرمەسىن الا كەلگەن. بۇدان بولەك، «حامساعا» ارنالعان جازبالاردىڭ 25 مينياتيۋرالىق كوشىرمەسى دە اكەلىنگەن.

زەرتتەۋ جۇمىستارى كەزىندە، سول سياقتى، كاۆكازدىڭ تاريحىنا قاتىستى كوپتەگەن كىتاپتار مەن مينياتيۋرالار قولجازبالارىنىڭ كوشىرمەلەرى الىنعان. بۇلاردىڭ ءبارى وتكەن سەنبى كۇنى ازەربايجان ۇلتتىق عىلىم اكادەمياسىنا تاپسىرىلدى.