ن. نازاربايەۆ كاسىپكە قاتىستى اۋلا سىپىرۋشىنىڭ حيكاياسىن ايتىپ بەردى

الماتى. قازاقپارات - بۇگىن مەملەكەت باسشىسى نۇرسۇلتان نازاربايەۆ الماتىدا ۋنيۆەرسياداعا دايىندىق جۇمىستارى مەن قالانىڭ دامۋ ماسەلەلەرىنە ارنالعان جيىن وتكىزدى.

 مەملەكەت باسشىسى ءبىلىم مەن جۇمىسپەن قامتۋ ماسەلەسىن تالقىلاي كەلە اۋلا سىپىرۋشى تۋرالى اڭىز ايتىپ بەردى.

 «ۇلكەن بانكتە اۋلا سىپىرۋشى جۇمىس ىستەگەن. جۇمىس بەرۋشى ونىڭ ديپلومى جوق بولعانىن ەستىگەن سوڭ، اۋلا سىپىرۋشىنى جۇمىستان قۋىپ جىبەرەدى. وقىماعان، ءبىلىمى جوق جىگىت ءوزى سياقتى اۋلا سىپىرۋشىلاردى جيناپ، تازالىقپەن اينالىساتىن كومپانيا قۇرادى. كوپ ۇزاماي ىستەگەن ىسىنە ادالدىعى ءۇشىن بۇل كومپانيانى بارلىعى قۇرمەتتەي باستايدى. ءسويتىپ، ونىڭ بيزنەسى كوركەيەدى. قالانى تازالاۋ بويىنشا كولىكتەر ساتىپ الادى. سوڭىنان قوقىس وڭدەيتىن زاۋىت اشتى. كەيىن بانكتەگى اقشاسىن ساقتاۋعا قول قويۋعا شاقىرعاندا، ول قاعازعا كرەس بەلگىسىن قويادى. «نەگە ءبىلىم المادىڭىز؟» دەپ سۇراعان كەزدە، ەگەر ديپلومىم بولسا، اۋلا سىپىرۋشى بولىپ جۇرەر ەدىم»، - دەدى پرەزيدەنت.

 مەملەكەت باسشىسىنىڭ ايتۋىنشا، ءار ادام - ءوز ءومىرىنىڭ ۇستاسى.

«مەن ناعىز كاسىپ يەلەرىن قۇرمەتتەيمىن. ش و ب بۇگىندە قانشا ادامدى جۇمىس ورنىمەن قامتىپ وتىر. قالادا ءالى دە جۇمىس جاسايتىن سالا كوپ. ەشقانداي جۇمىستان قاشپاۋ كەرەك»، - دەدى ەلباسى.

اۆتور: گۇلميرا عوسمانالي