20:24, 16 - اقپان 2016 | GMT +5
قىزمەت كورسەتۋ مادەنيەتىن ارتتىرۋ كەرەك - ن. نازاربايەۆ
الماتى. قازاقپارات - الماتىدا 28- الەمدىك ۋنيۆەرسيادانى وتكىزۋگە بايلانىستى وتكەن جيىندا مەملەكەت باسشىسى قالاداعى قىزمەت كورسەتۋ مادەنيەتىن ارتتىرۋ كەرەكتىگىن جەتكىزدى.
«قىزمەت كورسەتۋ سالاسىنىڭ جۇمىسكەرلەرىن تاربيەلەۋ ماڭىزدى. ويتكەنى، ولار بولاشاقتا قالانىڭ يميدجىن قالىپتاستىرادى. مەيرامحانالار مەن دۇكەندەردە، قوعامدىق كولىكتە، سپورت نىساندارىندا كليەنتتەرگە سىپايى قىزمەت كورسەتىلۋى شارت. سىرتتان كەلەتىندەر ءبىزدى ءالى تۇيە ءمىنىپ ءجۇر دەپ قالماسىن»، - دەدى ن. نازاربايەۆ.
پرەزيدەنتتىڭ ايتۋىنشا، قالا تۇرعىندارى كوشەدەگى ادامداردى بالاعاتتاماي، سىپايى جول كورسەتكەنى ابزال.
«وسىلايشا، شاعىن بيزنەس كوركەيىپ، تەك قانا الماتىنىڭ ەمەس، مەملەكەتتىڭ يميدجىن قالىپتاستىرادى»، - دەدى پرەزيدەنت.
اۆتور: گۇلميرا عوسمانالي
