ارگەنتينالىق فۋتبولشى قىزىل قاعاز كورسەتكەن تورەشىنى اتىپ تاستادى

 استانا. قازاقپارات - ارگەنتينا جاستار كومانداسىنىڭ فۋتبول ويىنشىسى سۋديانىڭ تورەلىگىن جاقتىرماي قالعان. ءسويتىپ، ول 48 جاستاعى اربيتر سەزار فلورەستى اتىپ كەتكەن دەپ حابارلايدى 24.kz.

كوردوۆا قالاسىندا بولعان ويىن كەزىندە قارسىلاسىنا شابۋىل جاساعان فۋتبولشىعا سۋديا قىزىل قاعاز كورسەتتى. ارتىنشا فۋتبولشى تاپانشامەن قايتىپ كەلىپ، ونى 3 رەت اتقان. باسى، مويىنى مەن كەۋدەسىن وق تەسكەن تورەشى سول جەردە قايتىس بولدى.

اتىس كەزىندە ءبىر ويىنشى جارالانىپ، اۋرۋحاناعا ءتۇستى، دەپ حابارلايدى Goal.com. قىلمىس جاساعان سپورتشى وقيعا ورنىنان ءىزىن سۋىتىپ، وعان ىزدەۋ جاريالاندى.