ن. نازاربايەۆ الماتى اۋەجايىن دامىتۋ باعدارلاماسىن جاساۋدى تاپسىردى
بۇعان دەيىن الماتى اكىمى اۋەجايدىڭ سىيىمدىلىعى وتە از ەكەندىگىن جەتكىزدى.
ق ر ينۆەستيتسيالار جانە دامۋ ءمينيسترى اسەت يسەكەشوۆ بۇگىندە الماتى اۋەجايىن دامىتۋدىڭ ەكى نۇسقاسى قارالىپ وتىرعانىن ايتتى. بىرىنشىدەن، قاپشاعاي سۋ قويماسى ماڭىندا جاڭا اۋەجاي سالۋ قاراستىرىلىپ جاتىر. وعان قازىر ينۆەستور ىزدەستىرىلۋدە. ەكىنشىدەن، قازىرگى اۋەجايدى قايتا جاڭعىرتۋ.
«جاڭاسىن سالۋ - وتە ۇزاققا سوزىلادى. قازىر ەڭ الدىمەن، قانشا جولاۋشى وتكىزەتىندىگىن، كەتەتىن قارجى، ۋاقىت ءبارىن قاراستىرىپ، ەڭ قولايلى نۇسقاسىن تابۋ ماڭىزدى. مۇمكىن تاعى تەرمينال قاجەت بولار»، - دەدى مەملەكەت باسشىسى.
اۋەجاي ديرەكتورىنىڭ ايتۋىنشا، اۋەجاي مەن ۇشاقتى بىرىكتىرەتىن ءدالىز جەتىسپەيدى. سونداي-اق، قولدانىستاعى ەكى جولاق جاڭعىرتۋدى قاجەت ەتەدى.
وسىنى ەسكەرە وتىرىپ، مەملەكەت باسشىسى ن. نازاربايەۆ ق ر ينۆەستيتسيالار جانە دامۋ ءمينيسترى مەن قالا اكىمىنە الماتى حالىقارالىق اۋەجايىنىڭ دامۋ جوسپارىن جاساۋدى تاپسىردى.
اۆتور: گۇلميرا عوسمانالي
