جامبىل جابايەۆتىڭ پوەزياسى قازاقستان مەن رەسەيدى ماڭگىلىككە بىرىكتىردى - گ. برەگمان - فوتو
قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگىنىڭ جانە م ۇ ءۇ- ءنىڭ قولداۋ كورسەتۋىمەن قازاق جاستار وداعى ۇيىمداستىرعان كەش قوناقتارىنىڭ اراسىندا ماسكەۋ ادەبي قوعامداستىعى، ماسكەۋلىك ج و و، قوعامدىق ۇيىمداردىڭ وكىلدەرى، قازاق دياسپوراسى، سونداي-اق قازاقستاندىق ستۋدەنتتەر بولدى.
قۇتتىقتاۋ سوزىندە رەسەي ادەبي پالاتاسى اتقارۋشى كوميتەتىنىڭ ءتوراعاسى گەورگي برەگمان جامبىل جابايەۆتىڭ ەكى عاسىردىڭ كۋاسى بولعانىن اتاپ ءوتتى.
«ونىڭ شىعارماشىلىعىن ەكى كەزەڭ - ليريكاسى كوبىنە ەپوس پەن حالىق ومىرىنە ارنالعان ريەۆوليۋتسياعا دەيىنگى كەزەڭ جانە ونىڭ كەڭەستىك شىندىقتى ادىلەتتى تۇردە سۋرەتتەگەن ريەۆوليۋتسيادان كەيىنگى كەزەڭ. مەنىڭ ويىمشا، جامبىلدىڭ پوەزياسى قازاقستان مەن رەسەيدى سول كەزدەگى كەڭەس وداعىندا ماڭگىلىك بىرىكتىرە ءتۇستى. ونىڭ ءاربىر شىعارماسىندا شىنايىلىق سەزىلىپ تۇر»، - دەدى گ. برەگمان.
بۇل رەتتە ول اتاقتى قازاق اقىنىنىڭ قورشاۋدا بولعان قالانى قورعاۋشىلاردىڭ جۇرەكتەرىنە جەڭىسكە دەگەن ءۇمىت ۇيالاتقان «لەنينگرادتىق ورەنىم» شىعارماسىنىڭ ماڭىزدى ءرولىن اتاپ ءوتتى.
«ونىڭ شىعارماشىلىعى جاۋىنگەرلەردىڭ جۇرەكتەرىنە رۋح بەرىپ، ولاردى جەڭىسكە جەتەلەدى»، - دەپ اتاپ ءوتتى گ. برەگمان.
ءوز كەزەگىندە، رەسەيدەگى جوعارعى كاسىبي ءبىلىمنىڭ قۇرمەتتى قىزمەتكەرى، ر ج ع ا كوررەسپوندەنت- مۇشەسى، ت. ع. د. دينا امانجولوۆا ءوز سوزىندە قازاق مادەنيەتىندەگى ۇلى اقىننىڭ ەرەكشە ميسسياسىن اتاپ ءوتتى.
«جامبىل جابايەۆ تۇلعاسىنىڭ ۇلىلىعى ونىڭ ءوز ومىرىندە كوپ جاعدايدى باستان كەشىپ، ءوز حالقىنىڭ جىرشىسى رەتىندە جاۋاپكەرشىلىگىن تۇسىنە بىلۋىندە. ءبىز ءسوز مادەنيەتىنىڭ قازاقتار ءۇشىن وتە ماڭىزدى ەكەنىن بىلەمىز، اقىن بۇل ميسسيانى تاماشا اتقاردى»، - دەپ اتاپ ءوتتى د. امانجولوۆا.
كەش بارىسىندا قوناقتار قازاقستاندىق جاستاردىڭ شىعارماشىلىق ۇجىمدارى دومبىرادا ورىنداعان جامبىل جابايەۆتىڭ بىرەگەي تۋىندىلارىن، سونداي-اق اقىننىڭ اسەرلى ولەڭدەرىن تىڭدادى. ولار سونداي-اق اقىننىڭ وسى كۇنگە دەيىن الماتى قالاسىندا تۇرىپ جاتقان ۇرپاقتارىنىڭ بەينەۇندەۋىن تاماشالادى.
