13:18, 16 - اقپان 2016 | GMT +5
ميلليون تۇرعىنى بار قالالار سانىن كوبەيتۋ كەرەك - ن. نازاربايەۆ
الماتى. قازاقپارات - ميلليون تۇرعىنى بار قالالاردى كوبەيتۋ كەرەك. بۇل تۋرالى مەملەكەت باسشىسى بۇگىن الماتىدا ءوتىپ جاتقان 28- دۇنيەجۇزىلىك قىسقى ۋنيۆەرسياداعا دايىندىق پەن قالانىڭ دامۋى ماسەلەلەرىنە قاتىستى كەڭەس بارىسىندا ايتتى.
«ميلليون تۇرعىنى بار قالالاردى قالىپتاستىرۋعا بارىنشا كوپ كوڭىل بولەمىن. ويتكەنى، ءىرى قالالاردا جاڭا تەحنولوگيالار جاسالادى. بۇل الەمگە بەلگىلى تاجىريبە»، - دەدى ن. نازاربايەۆ.
مەملەكەت باسشىسى وسى باعىتتا رەسپۋبليكالىق بيۋدجەتتىڭ باستى دونورى، مادەني جانە تۋريستىك ورتالىق رەتىندە الماتى قالاسى كوشباسشى بولىپ كەلە جاتقاندىعىن اتاپ ءوتتى. ونىڭ ايتۋىنشا، قازىر كەزدە الماتىنىڭ قاتارىنا استانا مەن شىمكەنت قوسىلىپ كەلەدى.
اۆتور: گۇلميرا عوسمانالي
