بوكستان قازاقستان قۇراماسى گەرمانيا كومانداسىمەن كەزدەسۋ وتكىزەدى - فوتو

استانا. قازاقپارات - الماتى وبلىسىنداعى دۇنيەجۇزىلىك بوكس اكادەمياسىندا ۇلتتىق بوكس كوماندالارىنىڭ جيىنى ءوتىپ جاتىر.

بۇل جولى قازاقستان جانە گەرمانيا كوماندالارى بىرگە جاتتىعۋ وتكىزىپ جاتىر.

قازاقستان قۇراماسىنىڭ باس باپكەرى مىرزاعالي ايتجانوۆ اكادەمياعا 69 دان 91 كەلىگە دەيىن جانە ودان جوعارى تاپشى سالماق ساناتىنداعى سپاررينگ ارىپتەستەر كەلگەنىنە قۋانىشتى ەكەنىن جەتكىزدى.

ولاردىڭ ءبىرازى وليمپيادالىق جولدامالار ۇتقان - ارايك مارۋتيان (69 كەلى)، داۆيد گراف (91 كەلى) جانە ەريك پفايفەر (91 كەلىدەن جوعارى).

قازاقستاندىق بوكس فەدەراتسياسى اتاپ وتكەندەي، نەمىس كومانداسى مۇشەلەرىنىڭ جارتىسىنا جۋىعى ورىس تىلىندە سويلەيدى. مارۋتيان مەن گراف - ارمەنيا، پفايفەر - رەسەي تۋمالارى.

قازىر ءبىزدىڭ سپورتشىلار مەن نەمىس بوكسشىلارى جۇپپەن جاتتىعۋ جاساۋدا، ەكى كوماندانىڭ كەزدەسۋى 17- جانە 19- اقپاندا وتەدى.