عالىمدار ادام سۇيەكتەرى مەن بۇلشىق ەتتەرىن «باسىپ شىعاراتىن» جاڭا تەحنولوگيا جاساپ شىعاردى
«بۇل تىندەر مەن اعزالاردى باسىپ شىعارا الاتىن تەحنيكا اسا ماڭىزدى، ءارى پاتسيەنتتەر ءۇشىن دەنە مۇشەلەرىن دايىنداۋعا مۇمكىندىك بەرەتىن تەحنولوگيانى جاساۋداعى ەلەۋلى قادام دەسە بولادى. ەندى بىزدە قيمىل-قوزعالىس كەزىندە تۇراقتىلىقتى ساقتايتىن ادام اعزالارىن باسىپ شىعارۋ مۇمكىندىگى بار. كەلەشەكتە تەحنولوگيا يمپلانتاتسيا جاساۋ ءۇشىن جارامدى تىندەر مەن اعزالار «باسىپ شىعارۋعا» مۇمكىندىك بەرەتىن بولادى»، - دەپ مالىمدەدى ۋەيك-فورەستە رەگەنەراتيۆتى مەديتسينا ينستيتۋتىنان ەنتوني اتالا (Anthony Atala).
اتالا مەن ونىڭ ارىپتەستەرى اتاپ وتكەندەي، باعانالىق نەمەسە «ەرەسەك» جاسۋشالاردان اعزا ءوسىرىپ شىعارۋدا باستى كەدەرگى بار. ياعني، ولاردى تەك جۇقا قاباتتى عىپ قانا باسىپ شىعارۋعا بولادى. عالىمداردىڭ ايتۋىنشا، ەگەر ونىڭ قالىڭدىعى 200 ميكرومەتردەن اسسا، قان تامىرلارى بولماعاندىقتان، ءنارلى زاتتار مەن وتتەگى سىڭبەي، ءتىن تىرشىلىگىن جويا باستايدى.
ماقالا اۆتورلارى جاسۋشالاردى قاباتتاۋعا مۇمكىندىك بەرەتىن ەرەكشە پوليمەر ويلاپ تاۋىپ، بۇل ماسەلەنى دە شەشتى. بۇل سۇيەكتەر، بۇلشىق ەتتەر نەمەسە شەمىرشەك جاسۋشالارىنىڭ شەكتەۋسىز اۋقىمدا وسۋىنە ىقپال ەتەدى.
