قازاقستان بۇركىتشىلەرى يلان تاۋىنىڭ باۋىرىنداعى سايىسقا قاتىستى
جارىستا ەلىمىزدىڭ 10 وبلىسىنان كەلگەن 45 قۇسبەگى وزدەرى باپتاپ جۇرگەن بۇركىت، قارشىعا قۇستارىنىڭ شەبەرلىگىن سىنادى. جارىسقا قاتىسۋشىلاردى الماتى وبلىسى اكىمىنىڭ اتىنان اكىم ورىنباسارى باحتيار ونەربايەۆ قۇتتىقتاپ، جارىسقا قاتىسۋشىلارعا ساتتىلىك تىلەدى.
سالتاناتتى اشىلۋ راسىمىنەن كەيىن قىرانداردىڭ بابى جارىستىڭ بىرنەشە كەزەڭىندە سىنالىپ، قويان، تۇلكى ۇستاۋداعى ناتيجەلەرى ساراپقا سالىندى. سپورت جارىسىنىڭ قورىتىندىسى بويىنشا، بۇركىتشىلەر اراسىندا 1- ورىندى قىزىلوردالىق سارمات ابدۋلكەرىم ۇلى، 2-ورىندى استانا قالاسىنىڭ نامىسىن قورعاعان ارمانبەك كۇنتۋعان جانە 3-ورىندى اقمولا وبلىسىنان كەلگەن بەرگەنباي تاستانبەك جەڭىپ الدى.
سونداي-اق، قارشىعامەن اڭ اۋلاۋ جارىسىندا ءبىرىنشى جانە ەكىنشى جۇلدەلەردى جامبىل وبلىسىنان باقداۋلەت باباجان بەرىكبولسىن جالعاس ۇلى، 3-ورىندى اقتوبە وبلىسىنان كەلگەن اقبەرەن قۇرمانعاليەۆ يەلەندى. جەڭىمپازدارعا اقشالاي سىيلىق پەن گراموتالار تاپسىرىلدى.
قۇسبەگىلەردىڭ كەلەسى ءىرى جارىسى جامبىل وبلىسىنىڭ تاراز قالاسىندا وتەتىندىگى بەلگىلى بولدى.
