يزرايلدىڭ بۇرىنعى پرەمەر-ءمينيسترى تەمىر توردىڭ ار جاعىنان ءبىر-اق شىقتى
مۇنداي جوعارى لاۋازىمدى تۇلعا يزرايل تاريحىندا العاش رەت سوتتالعان. ەندى ول ءومىرىنىڭ 19 ايىن اباقتىدا وتكىزەدى، دەپ حابارلايدى 24.kz. جەرگىلىكتى بۇقارالىق اقپارات قۇرالدارىنىڭ مالىمەتى بويىنشا، اتالعان اباقتىنى جابدىقتاۋ ءۇشىن ەل قازىناسىنان 1 ميلليون ا ق ش دوللارى جۇمسالعان. مۇندا ەكس-پرەمەردىڭ سىبايلاستارى مەن ايەلدى زورلاعانى ءۇشىن جەتى جىلعا باس بوستاندىعىنان ايىرىلعان يزرايلدىڭ بۇرىنعى پرەزيدەنتى دە قامالعان.
ايتا كەتۋ كەرەك، سوت ءىسى تولىقتاي اياقتالعان جوق. سەبەبى ءالى اشىلماعان 3 قىلمىس بار. دەگەنمەن پرەمەردىڭ قورعاۋشىلارى ونى اقتاپ الۋدان ۇمىتتەنىپ، جوعارعى سوتقا اپەللياتسيالىق شاعىم ءتۇسىردى.
«بۇگىن باس بوستاندىعىمنان ايىرىلىپ، قاماۋعا كەتىپ بارامىن. بۇل مەنىڭ جانە ماعان جاقىن ادامداردىڭ جانىنا قانشالىقتى اۋىر ەكەنىن سىزدەر سەزەدى دەپ سەنەمىن. مەن سوت الدىندا بولسىن، وزگە جەردە بولسىن، تاعىلعان ايىپتىڭ ەشقايسىسىن دا مويىنداماي، كىناسىز ەكەنىمدى قايتالاپ ايتۋدان قايتپايمىن»، - دەدى يزرايلدىڭ بۇرىنعى پرەمەر-ءمينيسترى ەحۋد ولمەرت.
