ۋكراينا رەسەيلىك جۇك كولىكتەرىنىڭ ءوز اۋماعىندا جۇرۋىنە تىيىم سالدى
بۇل تۋرالى ۋكراينا ۇكىمەتىنىڭ رەسمي پورتالىندا حابارلاندى دەپ جازادى «ازاتتىق».
ۋكراينا ۇكىمەتىنىڭ مالىمدەمەسىندە رەسەي ۋكراين جۇك كولىكتەرىنىڭ ءوز تەرريتورياسى ارقىلى جۇرۋىنە تىيىم سالىپ، دۇنيەجۇزىلىك ساۋدا ۇيىمىنىڭ (د س ۇ) ەرەجەسىن جانە ۇكىمەتارالىق كەلىسىمدى بۇزعانى ايتىلادى. كيەۆتىڭ بۇل جاۋاپ شاراسى «رەسەي جاعىنان جاۋاپ بەرىپ، ماسەلە شەشىلگەنگە دەيىن» كۇشىندە قالماق.
ۋكراينا پرەمەر-ءمينيسترى ارسەني ياتسەنيۋك ۋكراينا رەسەيدىڭ د س ۇ- نىڭ نەگىزگى پرينتسيپتەرىن ورىنداۋىنا قاتىستى ەۋروپا وداعى ەلدەرىمەن كەڭەسەتىنىن ايتتى.
رەسەي ترانسپورت مينيسترلىگى بۇدان بۇرىن ۋكراينادا تىركەلگەن جۇك كولىكتەرىنىڭ رەسەي اۋماعىندا جۇرۋىنە تىيىم سالعان. مينيسترلىك مۇنى ۋكراينالىق «اۆتومايدان» قوزعالىسى بەلسەندىلەرىنىڭ 11- اقپاننان باستاپ رەسەي جۇك كولىكتەرىنىڭ ۋكراينا تەرريتورياسىنداعى جولىن بوگەگەنىنە» جاۋاپ شارالارى» دەپ تۇسىندىرگەن.
