18:08, 15 - اقپان 2016 | GMT +5
استانادا الەۋمەتتىك جەلىلەردىڭ كومەگىمەن قازاق ءتىلىن ۇيرەنۋشىلەر سانى ارتتى
استانا. قازاقپارات - ەلوردادا تىلدەردى دامىتۋ مەن قولدانۋدىڭ 2011-2020-جىلدارعا ارنالعان مەملەكەتتىك باعدارلاماسىن ىسكە اسىرۋ اياسىندا قازاق ءتىلىن وقىتۋ بويىنشا كۋرستار باستالدى.
بيىل تىڭداۋشىلار سانى 1500 دەن استى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
قالالىق تىلدەردى دامىتۋ باسقارماسىنىڭ حابارلاۋىنشا، بيىل تەگىن كۋرستار تۋرالى اقپارات بۇقارالىق اقپارات قۇرالدارىنان باسقا، الەۋمەتتىك جەلىلەر ارقىلى تاراتىلعان. بۇل ءتىلدى ۇيرەنەم دەۋشىلەر سانىن وتكەن جىلدارمەن سالىستىرعاندا ايتارلىقتاي ارتتىرۋعا ىقپال ەتكەن.
ءتىلدى مەڭگەرۋگە مەملەكەتتىك قىزمەتشىلەر، بيۋدجەتتىك ۇيىم قىزمەتكەرلەرى، ەتنومادەني بىرلەستىكتەردىڭ وكىلدەرى مەن ت. ب. نيەت بىلدىرگەن. ولاردىڭ باسىم بولىگىن جاستار قۇرايدى. بىلىكتى ماماندار وتكىزەتىن ساباقتار اپتاسىنا ەكى رەت «ىسكەر» وقۋ ورتالىعىندا وتەدى.
ايتا كەتەيىك، قازاق ءتىلىن وقىتۋ بويىنشا تەگىن كۋرستار جىل سوڭىنا دەيىن جالعاسادى.
