ايەل ادامعا مانساپ دارەجەسىن ءوسىرۋ ەرلەردەن گورى الدەقايدا قيىن

 استانا. قازاقپارات - ەرلەرمەن بىرىگە وتىرىپ، جۇمىس اتقارۋى كەزىندە ايەلدەردىڭ بەدەلى ارتا قويمايدى. بۇل ولاردىڭ مانساپ دارەجەسىنىڭ جوعارىلاۋىنا ەداۋىر اسەر ەتەدى.

 عالىمداردىڭ تۇجىرىمداۋىنشا، مىسالى، ەگەر ولار ەرلەرمەن بىرىگىپ عىلىمي ماقالا جازسا، جوعارعى وقۋ ورنىنا جۇمىسقا ايەل ەمەس، سول ەر ادامدى الاتىن بولعان، دەپ حابارلايدى The Daily Mail.

 ال وسىنداي عىلىمي ەڭبەكتى ءبىر ءوزى جازعان نازىك جاندى عالىمداردىڭ جۇمىسقا ورنالاسۋ مۇمكىندىگى جوعارى بولعان. وسى رەتتە زەرتتەۋشىلەر ا ق ش ۋنيۆەرسيتەتتەرىنە جۇمىسقا شاقىرىلعان 522 ەكونوميست تۋرالى اقپاراتتى تالداۋدان وتكىزدى. سويتسە، جۇمىس بەرۋشىلەر ەرلەردىڭ % 77- نا بىردەن جۇمىس ۇسىنعان. ال وسىنداي ۇسىنىس ايەلدەردىڭ تەك 52 پايىزىنا عانا جاسالعان بولىپ شىقتى.

 عالىمداردىڭ ايتۋىنشا، «ەركەك پەن ايەل بىرىگىپ ماقالا جازعان كەزدە ەر ادام جۇمىستىڭ كوپ بولىگىن اتقارىپ شىعادى» دەگەن تۇراقتى پىكىر قالىپتاسقان. زەرتتەۋشىلەر باسشىلاردى جۇمىس ورنىندا گەندەرلىك كەمسىتۋشىلىككە جول بەرمەۋگە شاقىردى، دەپ جازادى MedDaily.ru.

www.24.kz