ا ق ش- تىڭ موبيلدىك وپەراتورلارى جاڭا جەلىنى سىناقتان وتكىزۋگە دايىندىق جۇرگىزۋدە
اتاپ وتكەندە، ا ق ش- تاعى ەڭ ءىرى وپەراتورلاردىڭ ءبىرى AT&T- ءدىڭ Intel بىرلەستىگى جانە Ericsson كومپانياسىمەن ىنتىماقتاستىق اياسىندا 5G جەلىسىن تەحاس استاناسى وستين قالاسىندا ىسكە قوسىلاتىنى بەلگىلى بولدى.
بولاشاق جەلىلەردىڭ وتكىزۋ قابىلەتى LTE- عا قاراعاندا ونداعان، ءتىپتى جۇزدەگەن ەسە جوعارى بولىپ، ال سەكۋندىنا گيگابايتتاردى جۇكتەۋ مۇمكىن بولماق.
AT&T وپەراتورىنىڭ ستراتەگيالىق جوسپارلاۋ جونىندەگى ديرەكتورى دجون دونوۆاننىڭ ويىنشا، جەلىلەردىڭ جاڭا بۋىنى ۆيرتۋالدىق شىندىق، «زاتتار عالامتورى» ، 4ك ۆيدەو، روبوتتار مەن وزدىگىنەن باسقارىلاتىن اۆتوموبيلدەردىڭ ەنگىزىلۋى مەن تاراتىلۋىنا سەپتىگىن تيگىزەدى.
AT&T- دان باسقا، 5G جەلىسىن ا ق ش- تىڭ باسقا ءىرى وپەراتورى - Verizon دا يگەرە باستاۋدى قولعا الماق. الايدا، مامانداردىڭ اتاپ وتۋىنشە، سىناقتاردىڭ 2018 - جىلدىڭ ورتاسىنا دەيىن جالعاسۋى سەبەبىمەن 5G ازىرگە ەرتەڭگى كۇننىڭ ءىسى بولىپ قالىپ وتىر.
