08:15, 15 - اقپان 2016 | GMT +5
يسپانيادا دوسىنىڭ ورنىنا ەمتيحان تاپسىرعان جاسوسپىرىم تۇرمەگە قامالۋى مۇمكىن
استانا. قازاقپارات - المەريا قالاسىندا ەمتيحان تاپسىرۋدا الاياقتىق جاساعان ەكى جاسوسپىرىم تۇرمەگە قامالۋى مۇمكىن، ولاردىڭ ءبىرى ەكىنشىسىنىڭ ەمتيحانىنا كىرىپ تاپسىرعان.
پروكۋرور وسىنداي قاتال جازا قولدانۋدى سۇرادى، دەپ حابارلايدى The Local باسىلىمى.
جاسوسپىرىمنىڭ ءبىرى تانىسىنىڭ قۇجاتىن الىپ ونىڭ ورنىنا تەست تاپسىرعان. ەمتيحان قۇجاتتارىنا دوسىنىڭ اتىنان قول قويعان.
پروكۋرور ەكەۋىنە ءار كۇن سايىن التى ەۋرودان ءبىر جىل بويى ايىپپۇل تولەتۋدى سۇرادى.
ەمتيحان تاپسىرۋعا ارەكەتتەنگەندەردىڭ قورعاۋشىلارى «جازا وتە قاتال، ويتكەنى جاسوسپىرىمدەر تۇرمەگە قاماۋ ءۇشىن سونشاما اۋىر قىلمىس جاساعان جوق» دەپ مالىمدەدى.
