قىتاي يۋان باعامىنىڭ قۇلدىراۋىن «الدەبىر الىپساتارلاردان» كوردى

استانا. قازاقپارات - قىتايدىڭ ورتالىق بانكىنىڭ ءتوراعاسى چجوۋ سياوچۋان «قىتايدىڭ ۇلتتىق ۆاليۋتاسىنا شابۋىل جاسادى» دەپ الدەبىر حالىقارالىق الىپساتارلاردى ايىپتادى. بۇل تۋرالى بي- بي- سي اگەنتتىگى حابارلادى.

 بانك ءتوراعاسىنىڭ ايتۋىنشا، سوڭعى كەزدە جيىلەپ كەتكەن يۋان باعامىنىڭ ۇدايى قۇلدىراۋىنا بۇدان باسقا سەبەپ جوق ەكەن. چجوۋ سياوچۋان پىكىرىنشە، قىتاي بيلىگى ەلدەگى ۆاليۋتا نارىعىندا الىپساتارلار باسىمدىعىنا جول بەرمەۋى ءتيىس كورىنەدى.

بۇل مالىمدەمە شىعىس جاڭا جىلىن مەرەكەلەۋ كەزىندە ءبىر اپتا جۇمىسىن توقتاتقان قىتاي قور نارىعىنىڭ قايتا اشىلار تۇسىندا ايتىلدى.

 يۋان باعامىن تۇراقتاندىرۋ شارالارى ەلدىڭ ۆاليۋتا قورىنىڭ ازايۋىنا اكەلىپ سوققان بولاتىن.