ميلليونداعان جىل بۇرىن اركتيكادا الىپ قۇستار جۇرگەن

 استانا. قازاقپارات - عالىمدار اركتيكاداعى ەلسمير ارالىندا 50 جىل بۇرىن تابىلعان الىپ تىرناقتىڭ قۇپياسىن شەشتى، دەپ حابارلادى VistaNews.

 بوۋلدەردەگى (ا ق ش) كولورادا ۋنيۆەرسيتەتىنىڭ جانە قىتايلىق عىلىمدار اكادەمياسىنىڭ عالىمدارى قىزىقتى جاڭالىق اشتى: 50 ميلليون جىل بۇرىن اركتيكا اۋماعىندا Gastornis ءتۇرىنىڭ قۇستارى تىرشىلىك ەتكەن.

 ول قۇستاردىڭ باسىنىڭ ولشەمى جىلقىنىكىندەي، ال بويى شامامەن 180 سانتيمەتر بولعان. ساراپتاما جۇرگىزۋ ارقىلى اياقتارىنىڭ تىرناقتارى ۆايومينگ شتاتىنان تابىلعان وزگە قۇس اياقتارىنىڭ بولىگىنە ۇقساس ەكەنى انىقتالدى. عالىمدار ايتقانداي، 53 ميلليون جىل بۇرىن ەلسمير ارالىنداعى كليمات قازىرگى ا ق ش- تىڭ وڭتۇستىك- شىعىس بولىگىندەگى اۋا رايى ءتارىزدى بولعان. ارالدا تاسباقالار، پريماتتار، قولتىراۋىندار، سونىمەن قاتار ءىرى سۇتقورەكتىلەر تىرشىلىك ەتتى. Gastornis ءتۇرى ءشوپقورەكتى بولعانى ايتىلادى. ال الىپ تۇمسىز جاڭعاقتاردى جارىپ، ءدانىن الۋعا قاجەت بولعان.