كوپ سالالى «ابۋ-دابي پلازا» كەشەنىندەگى ءورت فاكتىسى بويىنشا قىلمىستىق ءىس قوزعالدى
نىسانداعى ءورت قاۋىپسىزدىگىنە جاۋاپ بەرەتىن «نيكا ستروي سەرۆيس» ج ش س ينجەنەر قىزمەتكەرلەرى تەرگەلىپ جاتىر.
بۇل تۋرالى ق ر ءى ءى م توتەنشە جاعدايلار كوميتەتىنىڭ رەسمي وكىلى رۋسلان يمانقۇلوۆ حابارلادى.
«قوزعالعان قىلمىستىق ءىس بارىسىندا 28. 06 .2010-جىلعى № 295-IV ق ر زاڭىنا سايكەس نىساندا ءورت قاۋىپسىزدىگىن قامتاماسىز ەتەتىن «نيكا ستروي سەرۆيس» ج ش س ينجەنەر قىزمەتكەرلەرى، سونىمەن قاتار قۇرىلىس كومپانياسىنىڭ قىزمەتكەرلەرى تەرگەلىپ جاتىر»، - دەلىنگەن ر. يمانقۇلوۆتىڭ حابارلاماسىندا.
ەسكە سالا كەتەيىك، «ابۋ-دابي پلازا» كەشەنىندەگى ءورت ساعات 10:44 جويىلدى.
2016-جىلى 13- اقپاندا بۇگىن ساعات 4:40 كەزەكشى بولىمگە «Abu Dabi Plaza» كەشەنىندەگى ءورت تۋرالى حابار تۇسكەن. حابارلاما تۇسكەننەن كەيىن 10 مينۋت ىشىندە ءورت ءسوندىرۋ قىزمەتى وقيعا ورنىنا جەتتى.
ساعات 8:25 تە ءتىلسىز جاۋ اۋىزدىقتالدى.
پودەزد جولدارى بولماعاندىقتان جالىنمەن ارپالىسۋ قيىن سوقتى. الدىن الا مالىمەت بويىنشا، ءورت گاز باللونداردىڭ جارىلۋىنان شىققان. جالىننىڭ شىعۋ سەبەپتەرى انىقتالىپ جاتىر.
سالىنىپ جاتقان «ابۋ-دابي پلازا» كەشەنىندەگى ءورتتىڭ تاراۋىن جانە عيماراتتاعى جاعدايدى جوعارىدان بايقاپ، وعان باعا بەرۋ ءۇشىن ەۆروكوپتەر ق ر س ءى م ت ج ك «قازاۆيا قۇتقارۋ» ا ق تىكۇشاعى جۇمىلدىرىلدى.
جاپا شەككەندەر جوق.
ءورت سوندىرۋشىلەر 150 جۇمىسشىنى قاۋىپسىز جەرگە شىعاردى.
جالىنمەن كۇرەسكە بيىك عيماراتتارداعى ءورتتى سوندىرۋگە ارنالعان بيىكتىگى 88 مەتر «BRONTO SKYLIFT» تەحنيكاسى تارتىلدى.
ءتىلسىز جاۋدى اۋىزدىقتاۋعا 78 ءورت ءسوندىرۋشى مەن 27 ءورت ءسوندىرۋ تەحنيكاسى جانە استانا قالالىق ءى ءى د 12 تەحنيكاسى مەن 24 ادامى جۇمىلدىرىلدى.
ءورت سوندىرۋشىلەر كەلگەنشە 11 قاباتتان 25 قاباتقا دەيىن ورتەنىپ جاتتى.
وقيعا ورنىنا ءى ءى م باسشىسى گەنەرال-پولكوۆنيگى ق. قاسىموۆ جانە ءمينيستردىڭ ورىنباسارى ۆ. بوجكو كەلدى.
