قازاقستان شەتەلدىك جۇمىس كۇشىنە قانشالىقتى تاۋەلدى
بۇل تۋرالى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ باسپا ءسوز قىزمەتى حابارلايدى.
ولاردىڭ ىشىندە 1987 ءسى ءبىرىنشى سانات (جەتەكشىلەر مەن ولاردىڭ ورىنباسارلارى)، 5958 - ەكىنشى سانات (قۇرىلىمدىق بولىمشەلەردىڭ جەتەكشىلەرى) بويىنشا بەرىلگەن. ش ج ك تارتۋعا رۇقساتتىڭ باسىم كوپشىلىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتار بويىنشا بەرىلىپ، تيىسىنشە ولار 13968 جانە 10450 ادامدى قۇرادى.
قازىرگى ۋاقىتتا قازاقستاندا ش ج ك پايدالاناتىن 1592 جۇمىس بەرۋشى بار. ولاردا 468 مىڭعا جۋىق قازاقستان ازاماتى ەڭبەك ەتەدى، ياعني جالپى جۇمىسكەرلەرى سانىنىڭ %93,3 قۇرايدى. ەڭبەك ميگرانتتارى شىعاتىن نەگىزگى ەلدەر: قىتاي - 13373 ادام، تۇركيا - 4844، ۋكراينا - 1620، وزبەكستان - 1303، ءۇندىستان - 1235 بولىپ ەسەپتەلەدى.
سونىمەن بىرگە، 2015-جىلى ش ج ك تارتاتىن جۇمىس بەرۋشىلەر قازاقستاندىقتار ءۇشىن 25447 جۇمىس ورنىن اشىپ، 5428 ازامات كاسىبي دايارلىقتان جانە قايتا دايارلاۋدان ءوتتى، 12639 جەرگىلىكتى جۇمىسشى بىلىكتىلىگىن ارتتىردى. 55 شەتەل ماماندارى قازاقستاندىق كادرلارمەن الماستىرىلدى.
ەسكە سالا كەتەيىك، ىشكى ەڭبەك نارىعىن قورعاۋ ماقساتىندا ق ر ۇكىمەتى جىل سايىن رەسپۋبليكاعا شەتەل ماماندارىن تارتۋعا كۆوتا بەلگىلەپ وتىرادى. 2016-جىلى رەسپۋبليكانىڭ ەكونوميكالىق بەلسەندى تۇرعىندارىنا شاققاندا (63,1 مىڭ ادامعا جۋىق) ش ج ك تارتۋ كۆوتاسى %0,7 مولشەرىندە بەلگىلەندى.
