وڭتۇستىك قازاقستاندا تۇڭعىش رەت «التىن شاڭىراق» بايقاۋى جاريالاندى
وبلىستا تۇڭعىش رەت ۇيىمداستىرىلىپ جاتقان كونكۋرس وتباسىلىق قۇندىلىقتاردى دامىتۋ، قازاقستاندىق وتباسىنىڭ مارتەبەسىن ودان ءارى كوتەرۋ، يميدجىن ناسيحاتتاۋ، اتا-انانىڭ بالا تاربيەسىندەگى جاۋاپكەرشىلىگىن ارتتىرۋ، ۇلگىلى وتباسىلاردىڭ ومىرلىك تاجىريبەلەرىن جاستار اراسىندا كەڭىنەن ناسيحاتتاۋ ماقساتىندا وتپەك.
بايقاۋعا بارلىق اۋدان، قالالاردا ىرىكتەۋدەن وتكەن 50 جىلدان جوعارى وتاسقان ەرلى-زايىپتىلار، ونەگەلى ۇرپاق وسىرگەن، ءار سالادا جەمىستى ەڭبەك ەتكەن ءبىر ۇلگىلى وتباسى قاتىسادى. ىرىكتەۋدەن وتكەن وتباسىلاردىڭ شاڭىراعىندا وسى اۋلەتتەن تاراعان بارلىق مۇشەلەرىنىڭ قاتىسۋىمەن تۇسىرىلگەن ارنايى بەينەفيلمدە وتباسى جانە ۇرپاقتارىنىڭ ەڭبەكتەرى، ياعني، عىلىم مەن سپورتتاعى، سونداي-اق، ونەردەگى جەتىستىكتەرى كورسەتىلەدى.
ايتا كەتەيىك، قاتىسۋشىلاردىڭ ۇلتىنا شەك قويىلمايدى. اقپان ايىنىڭ 15-29- كۇندەرى ارالىعىندا اۋدان، قالالاردا ءوتىپ، 4- ناۋرىز كۇنى شىمكەنتتەگى ش. قالداياقوۆ اتىنداعى وبلىستىق فيلارمونيادا قورىتىندىلاناتىن شاراعا قاتىسۋ ءۇشىن جەرگىلىكتى اۋدان، قالالارداعى مادەنيەت بولىمدەرىنە حابارلاسۋعا بولادى.
