برازيليا عالىمدارى زيكا بەزگەگىنە قارسى ۆاكتسينا ويلاپ تاپپاق
وسى ماقساتتا ا ق ش- تىڭ تەحاستاعى زەرتتەۋ ورتالىعىمەن كەلىسىم جاساسىپ، اۋرۋلاردى باقىلاۋ جانە الدىن الۋ ورتالىعىمەن بىرلەسە جۇزەگە اسىرماق. جوباعا ەبولاعا قارسى ۆاكسينا جاساۋعا اتسالىسقان GlaxoSmithKline كومپانياسىن تارتۋ دا كوزدەلىپ وتىر. ال سوڭعى اقپارات بويىنشا برازيليادا بەزگەكتەن 3 ادام كوز جۇمعان. ۆيرۋستىڭ اياعى اۋىر انا قۇرساعىنداعى نارەستەگە دە قاۋىپتى ەكەنى بەلگىلى بولدى. سوندىقتان قازىر جەرگىلىكتى بيلىك تۇرعىندارعا زيانكەس ماسادان قالاي قورعانۋ كەرەكتىگىن جاپپاي ۇيرەتۋگە كوشتى.
«العا قويعان ماقساتقا جەتۋ ءۇشىن ءبىراز ۋاقىت كەتەدى. ءبىراق ءبىزدىڭ ماماندار وزدەرىنە سەنىمدى. ولار زيكا ىندەتىنە قارسى ۆاكسينانى ءبىز ويلاعانداي 4-5 جىلدا ەمەس، 1 جىلدىڭ ىشىندە جاساپ شىعارۋعا بولادى دەيدى. جاقىن كۇندەرى امەريكالىق 15 عالىم كەلىپ، ءبىزدىڭ ماماندارمەن بىرگە ەمدىك ەكپەنى جاساۋعا كىرىسەدى»، - دەدى برازيليانىڭ دەنساۋلىق ساقتاۋ ءمينيسترى مارسەلو كاسترو.
