بۇگىن قازاقستاننىڭ حالىق ءارتيسى ەسكەندىر حاسانعاليەۆتىڭ تۋعان كۇنى
ءانشى بۇرىنعى ورال وبلىسى (ب ق و) قاراتوبە اۋدانىندا تۋعان. قۇرمانعازى اتىنداعى الماتى مەملەكەتتىك كونسەرۆاتورياسىنىڭ ۆوكالدى-حور فاكۋلتەتىن ە. ۆينوگرادوۆ پەن ن. شاريپوۆانىڭ كلاسى بويىنشا كۋرسىن جانە ءال-فارابي اتىنداعى شىمكەنت مادەنيەت ينستيتۋتىن ءبىتىردى.
1970-جىلدان باستاپ، «قازاق راديوسى» مەن تەلەديدارىنىڭ سوليسى. ە. حاسانعاليەۆتىڭ ورىنداۋ مانەرى جوعارعى كاسىبي دەڭگەيمەن ەرەكشەلەنەدى. ول قازاقستاننىڭ بەلگىلى ەسترادالىق انشىلەرى ورىندايتىن كوپشىلىككە جاقسى تانىمال اندەردىڭ اۆتورى.
«قۇرمەت» وردەنىمەن ماراپاتتالعان (2000).
حاسانعاليەۆتىڭ «ادەمى»، «اسىل ارمان»، «ءومىرىمنىڭ جازى»، «اتامەكەن» اندەرىن تەك قازاقستان تىڭدارماندارى ەمەس، شەتەلدەردە دە ىقىلاسپەن قابىلدايدى. ە. حاسانعاليەۆ شىعارماشىلىعىنا تاقىرىپتىڭ امبەباپتىلىعى، ماتەريالدى بەرۋدىڭ كوپ سالالىعى ءتان. ول مۋزىكانى قازاق، ورىس، ۇيعىر، تاتار، نەمىس اقىندارىنىڭ سوزىنە جازدى.
قازىرگى قازاق كومپوزيتورلارىنىڭ ءان-رومانستارىن ناقىشىنا كەلتىرە، شەبەر ورىندايدى. حاسانعالييەۆ - تانىمال كومپوزيتور. ونىڭ بىرنەشە ءان جيناعى جارىق كوردى. حاسانعاليەۆ اندەرىنىڭ تاقىرىبى سان الۋان.
