ماس جۇرگىزۋشى قاشامىن دەپ ءجۇرىپ، جول اپاتىنا ۇرىندى
وقيعا 10- اقپان كۇنى تەمىرلان تاس جولىندا بولعان. جول- پاترۋلدىك پوليتسياسىنىڭ قىزمەتكەرلەرى جاياۋ جۇرگىنشىنى وتكىزبەگەن لادا پريورا كولىگىن بايقايدى. ونى توقتاتپاق بولعان ينسپەكتورلاردىڭ نۇسقاۋىنا باعىنباعان جۇرگىزۋشى كولىگىمەن قاشا جونەلگەن.
سول بەتىمەن كەتكەن پريورا كولىگىنىڭ جۇرگىزۋشىسى ءرۋلدى باسقارا الماي قالدى. جولدىڭ شەتىنە شىعىپ كەتكەن ماشينا قورشاۋدى بۇزعان.
سوڭىنان قۋىپ كەلگەن ينسپەكتورلار وسى جەردە جۇرگىزۋشىنى ۇستادى. ءتارتىپ ساقشىلارىنا قارسىلىق كورسەتپەك بولعان ازاماتتىڭ جەڭىل دارەجەدە ماس ەكەنى كەيىن ساراپتامادا انىقتالدى.
قازىر وسى فاكتى بويىنشا پوليتسيا قىزمەتكەرلەرى جۇرگىزۋشىنىڭ ۇستىنەن بىردەن ءۇش باپ بويىنشا اكىمشىلىك حاتتاما تولتىردى: بيلىك وكىلىنىڭ زاڭدى تالابىنا باعىنباۋ، اۆتوكولىكتى ماس كۇيىندە باسقارۋ جانە قوزعالىستا جاياۋ جۇرگىنشىگە جول بەرمەۋ.
لادا كولىگى اقىلى ايىپ تۇراعىنا قويىلعان. تەكسەرۋ جالعاسۋدا، دەپ حابارلايدى otyrar.kz.
