اقتوبە وبلىسىندا دۇكەنىن توناپ كەتكەنىنە شىداماعان ايەلدىڭ جۇرەگى جارىلىپ كەتتى

استانا. قازاقپارات - اقوبە وبلىسى العا اۋدانىندا دۇكەنىن توناپ كەتكەنىنە شىداماعان كاسىپكەر ايەلدىڭ جۇرەگى جارىلىپ كەتتى دەپ حابارلايدى NUR. KZ پورتالى «اقتوبە تايمس» باسىلىمىنا سىلتەمە جاساپ.

59 جاستاعى «شاڭىراق» دۇكەنىنىڭ قوجايىنى 9- اقپان كۇنى ەرتەسىمەن جۇمىسىنا كەلىپ، ەسەڭگىرەپ قالعان. وعان تيەسىلى ساۋدا نۇكتەسىنە ۇرىلار ءتۇسىپ، ونداعى ازىق-تۇلىكتەردى كوتەرىپ كەتكەن ەكەن. زارداپ شەگۋشى بىردەن پوليتسەيلەرگە حابار بەرىپ، شىعىنىن ەسەپتەۋگە كىرىسەدى.

سول جەردە زەينەتكەردىڭ دەنساۋلىعى سىر بەرىپ، ءبىر ساعاتتان كەيىن جۇرەك تالماسىنان كوز جۇمادى. تەرگەۋ بۇعان ۇرلىققا جانى كۇيزەلگەنى سەبەپ بولعان-بولماعانىن انىقتاۋ ۇستىندە.

ايەل ۇرلىق تۋرالى ارىزدى سول كۇيى جازىپ ۇلگەرمەگەن.