يران مەن قازاقستان بىرلەسكەن ينۆەستيتسيالىق قور قۇرادى
«بۇگىندە بىرلەسكەن قور قۇرۋعا ەكى تاراپتا دا نيەت بار. ىسكەرلىك كەڭەستىڭ اياسىندا ەلىمىزدىڭ «بايتەرەك» حولدينگى مەن يراننىڭ ۇلتتىق دامۋ قورى اراسىندا ەكىجاقتى تالقىلاۋلار بولدى. يراننىڭ ۇلتتىق دامۋ قورىنىڭ باسشىسى بىرلەسكەن ينۆەستيتسيالىق قوردى قۇرۋ مۇمكىن ەكەندىگىن راستادى»، - دەپ اتاپ ءوتتى ە. حاميتوۆ.
حولدينگ ديرەكتورىنىڭ اتاپ وتۋىنشە، ينۆەستيتسيالىق قور ءساۋىر ايىندا ق ر پرەزيدەنتى ن. نازاربايەۆتىڭ يران ەلىنە ساپارى بارىسىندا قۇرىلادى دەپ جوسپارلانۋدا.
«ناقتى كەلىسىمنىڭ جوباسىن جاساۋ جونىندە ۋاعدالاستىققا قول جەتكىزدىك. ول قۇجات بارلىق ماسەلەلەردى رەتتەيتىن بولادى. كەلىسىم جوباسى بيىل ءبىرىنشى جارتىجىلدىقتا، ءساۋىر ايىندا ق ر پرەزيدەنتى ن. نازاربايەۆتىڭ يران ەلىنە ساپارى بارىسىندا بەكىتىلەدى دەپ جوسپارلانۋدا. سول كەزدە عانا قوردىڭ قۇرىلاتىن مەرزىمدەرى مەن جارعىسى بەلگىلى بولادى. قازىر قانداي دا ءبىر مالىمەتتەردى ايتۋ ەرتە. ءبىراق يراننىڭ وسى باعىتتاعى ۇستانىمى بەرىك»، - دەپ اتاپ ءوتتى ول.
ايتا كەتەيىك، قازاقستان-يران ىسكەرلىك كەڭەسىنىڭ وتىرىسى 6-7- اقپاندا تەگەراندا وتكەن بولاتىن. قازاقستاندىق دەلەگاتسيانى ق ر ي د م باسشىسى اسەت يسەكەشەۆ باستاپ باردى.
اۆتور: جاسۇلان جولدىبايەۆ
