قازاقستانداعى ا ق ش ەلشىسى ءبىر جىل ىشىندە كەشىگۋدى جانە قوناقتاردى كيىز ۇيدە قارسى الۋدى ۇيرەنىپ الدى
«مەن ناعىز قازاقپىن. كەشىگۋ - وتە جاقسى دۇنيە، ءداستۇردى مەڭگەرىپ الدىم. ماعان ەركىن حالىقتىڭ بۇل ادەتى ۇنايدى»، - دەيدى كرول.
ەلشى، سونىمەن قاتار استاناداعى امەريكالىق ەلشىلىك ايماعىنا ورناتىلعان كيىز ۇيدە قوناقتاردى قارسى العاندى ۇناتاتىنىن العا تارتتى.
«بۇل قازاقستاننىڭ تاريحى (...) تاجىريبەلىك ارتىقشىلىقتارى دا بار - كيىز ءۇي ءىس-شارا ۇيىمداستىرعانعا كوبىرەك كەڭىستىكپەن قامتاماسىز ەتەدى، مەنىڭ بارلىق ديپلومات دوستارىم ماعان قىزعانىشپەن قارايدى. مەن بۇل كيىز ءۇيدى ماقتان تۇتامىن»، - دەيدى كرول.
دجوردج كرول قازاقشا سويلەۋدى ۇيرەنىپ قالعانىن ايتا كەتۋ كەرەك.
جۋرناليستەردىڭ قازاق ءتىلىن قانشالىقتى ۇيرەنە الدىڭىز دەگەن ساۋالىنا ەلشى «جاڭا جىلىڭىزبەن!» دەپ قازاقشا جاۋاپ قايتارعان. ال تىلشىلەر وعان «ناۋرىز قۇتتى بولسىن!» دەپ، ءسوزىن تۇزەتتى.
سۆەتلانا ابدراشيتوۆانىڭ ماتەريالىنان اۋدارىلدى.
Nur.kz
