قازاقستاننىڭ اسكەري باسپا ءسوزىنىڭ نەگىزىن قالاۋشى باسىلىم ايقىندالدى - فوتو

استانا. قازاقپارات - ق ر قورعانىس مينيسترلىگى، عالىمدار، پروفەسسورلار، اسكەري-تاريحي مۇراجايىنىڭ قىزمەتكەرلەرى «سارباز» گازەتىنىڭ رەداكسياسىمەن بىرلەسىپ قازاقستاننىڭ اسكەري باسپا ءسوزىنىڭ شىعۋ تاريحىن زەرتتەۋ جونىندە اۋقىمدى جۇمىستاردى ىسكە اسىردى.

قازاقستاندىق اسكەري باسپا ءسوزدى زەردەلەۋ بويىنشا جۇرگىزىلگەن زەرتتەۋ «سارباز» اسكەري-پاتريوتتىق گازەتىن «جاۋىنگەرلىك تۋ» جانە « قىزىل اسكەر» گازەتتەرىنىڭ ءىزىن باسۋشى دەپ ەسەپتەۋگە مۇمكىندىك بەرەدى.

«1992-جىلدىڭ 16- جەلتوقسانىندا الماتىدا ق ر قورعانىس مينيسترلىگىنىڭ ورتالىق ورگانى رەتىندە «قازاقستان ساربازى» گازەتىنىڭ العاشقى ءنومىرى قازاق جانە ورىس تىلىندە جارىققا شىقتى. رەسمي قۇجاتتاردا الماتىدا 1969-جىلدان باستاپ شىعا باستاعان «جاۋىنگەرلىك تۋ» گازەتىنىڭ بازاسىندا قۇرىلعان دەپ كورسەتىلدى.

«جاۋىنگەرلىك تۋ» «قازاقستان ساربازى» گازەتىنىڭ ءىزاشارى، باستاۋشىسى بولدى. ال قازاقستاندى اۋماقتىق تۇرعىدا قامتىعان اسكەري باسىلىمدار بۇدان بۇرىن شىعىپ جۇرگەن. «1929-جىلدان بەرى شىعىپ جۇرگەن «Qьsьl әsker» («قىزىل اسكەر») قازاقي اسكەري گازەتكە نازار اۋدارعان اناعۇرلىم قيسىندى بولار»، - دەگەن پىكىر ءبىلدىردى ءال-فارابي اتىنداعى قازاق ۇلتتىق ۋنيۆەرسيتەتىنىڭ دوتسەنتى، فيلولوگيا عىلىمدارىنىڭ كانديداتى الەكساندر روجكوۆ.

بۇل گازەت اسكەري كوميسسارياتتاردىڭ جۇمىسى، رەسپۋبليكاداعى وسواۆياحيم-ءنىڭ قىزمەتى، اسكەري ونەردى زەردەلەۋ، قازاقستاننىڭ جانە ت. ب. اسكەري بولىمدەرىندەگى قىزمەت تۋرالى جازاتىن.

«سارباز» جانە « قىزىل اسكەر» گازەتتەرىنىڭ كونتەنت-تالداۋىن جاساپ، ءبىز تاقىرىپتىڭ ۇقساستىعىن، بالامالى اسكەري، پاتريوتتىق پروبلەما مەن اسىرەسە، تىلدىك اسپەكتىنى، قازاق تىلىندەگى باسىلىمىن اتاپ وتۋدەمىز. « قىزىل اسكەر» گازەتى قازاقستان اسكەري باسپاسىنىڭ ىرگەسىن قالاۋشى بولىپ تابىلعانىن نىق سەنىممەن ايتا الامىز»، - دەدى ول.

«سارباز» گازەتىنىڭ 90 جىلدىق تاريحى بار ەكەنى جونىندە عالىمداردىڭ دا ويى ءبىر جەردەن شىقتى جانە ونى «جاۋىنگەرلىك تۋ» جانە « قىزىل اسكەر» گازەتتەرىنىڭ ءىزىن باسۋشى رەتىندە بەكىتۋگە، ق ر قارۋلى كۇشتەرىنىڭ اسكەري-تاريحي مۇراجايىندا قازاقستاندىق اسكەري جۋرناليستيكا تۋرالى مامانداندىرىلعان ستەند قۇرۋعا ۋاعدالاستى.

سونداي-اق اسكەري جۋرناليستەردى دايىنداۋدا «باۋىرجان تانۋ» جانە «اسكەري-پاتريوتتىق تاربيە بەرۋ» سەكىلدى پاندەردى قوسۋ ماسەلەسىن پىسىقتاۋ جانە ل. گۋميليەۆ اتىنداعى ە ۇ ۋ اسكەري كافەدراسى مەن ق ر قورعانىس مينيسترلىگىنىڭ بازاسىندا جوعارى وقۋ ورىندارىنىڭ ستۋدەنتتەرىنە ارنالعان جازعى «اسكەري ديسكۋرس» سەمينارى مەن مامانداندىرىلعان كۋرستاردى وتكىزۋ ماسەلەسى قاراستىرىلاتىن بولدى، دەپ حابارلايدى ق ر ق م باسپا ءسوز قىزمەتى.