قازاق بوكسشىلارى ا ق ش- تاعى مۇحاممەد ءالي ورتالىعىنا بارادى
«قازاقستان بوكسشىلارى مەن جاتتىقتىرۋشىلارى امەريكالىق ارىپتەستەرىمەن كەزدەسۋ جانە الەۋمەتتىك-باعىتتاعى باعدارلامالار بويىنشا وزىق تاجىريبەنى تالقىلاۋ ءۇشىن ا ق ش- قا بارادى. مۇحاممەد ءالي ورتالىعى كەنتۋككي شتاتىنداعى، بوكسشىنىڭ تۋعان قالاسى - لۋيسۆيلدە باعدارلاما ۇيىمداستىرادى»، - دەدى ەلشى.
«مۋزىكا جانە ءبي: امەريكا اكاپەللو مۋزىكالىق توبى جەرگىلىكتى ارتىستەرمەن قىزمەت ىستەيدى، جاستاردى تارتادى جانە ناۋرىزدىڭ اياعىندا، ءساۋىردىڭ باسىندا استانادا، قىزىلوردا مەن الماتىدا ونەر كورسەتەدى. ودان كەيىن استانادا، الماتى مەن شىمكەنتتە «Island Moving Ballet Company» امەريكالىق گرۋپپانىڭ جانە «سامۇرىق» قازاقستاندىق قازىرگى زامانعى ءبي ءانسامبلىنىڭ بىرلەسكەن كونسەرتتەرى وتەدى.
قازاقستانداعى برودۆەي: امەريكاندىق حورەوگراف پول ەمەرسون جەرگىلىكتى ارتىستەرمەن جۇمىس ىستەۋ جانە برودۆەي ستيلىندە ميۋزيكل قويۋ ءۇشىن استاناعا ورالادى»، - دەپ حابارلاپ وتىر ەلشىلىكتىڭ باسپا ءسوز قىزمەتى.
«وسكەمەندە وتەتىن قازاقستان اعىلشىن ءتىلى مۇعالىمدەرى قاۋىمداستىعىنىڭ جىل سايىنعى كونفەرەنسياسىن وتكىزۋگە قۇراما شتاتتار قولداۋ كورسەتەدى، وندا جاڭا يدەيالاردى تالقىلاۋ جانە وسى سالاداعى ساراپشىلارمەن ارەكەت ەتۋ ءۇشىن ەلىمىزدىڭ جۇزدەگەن مۇعالىمدەرى جينالادى.
قازاقستان- ا ق ش فەستيۆالى: تامىز ايىندا الماتىدا وتەدى، فەستيۆالدىڭ باعدارلاماسىنا اڭگىمەلەر، مۋزىكا، فيلمدەر مەن مادەنيەت كىرەدى، ولاردى امەريكا بەيبىتشىلىك كورپۋسىنىڭ بۇرىنعى ۆولونتەرلەرىن جانە ا ق ش ۇكىمەتى دەمەۋشىلىك ەتكەن الماسۋ باعدارلامالارىنىڭ قازاقستاندىق وقۋ بىتىرۋشىلەرىن قوسا العاندا، ءبىزدىڭ حالىقتارىمىزدىڭ اراسىنداعى ءوزارا قارىم-قاتىناستاردى نىعايتۋعا كومەكتەسكەن امەريكاندىقتار مەن قازاقستاندىقتار ۇسىنادى. ءىس-شارا حالىق ءۇشىن اشىق بولادى.
ۇلتتىق ورفوگرافيالىق كونكۋرس: اعىلشىن ءتىلىن وقىتۋ ارقىلى جەتكەن بايلانىستاردى كورسەتۋ، بۇكىل قازاقستانداعى 11 امەريكالىق بۇرىش كۇزدە وتەتىن ۇلتتىق ورفوگرافيالىق سايىسقا قولداۋ كورسەتەدى.
جاھاندىق دەنساۋلىق ساقتاۋ: ا ق ش اۋرۋلاردى باقىلاۋ جانە بولدىرماۋ ورتالىعى قازاقستاندا جاھاندىق دەنساۋلىق قاۋىپسىزدىك باعدارلامانى باستايدى. بۇل باعدارلاما جۇقپالى اۋرۋلاردىڭ تاراتۋىن بولدىرماۋ، انىقتاۋ جانە قارسى ارەكەتتەردى الۋ جونىندەگى كوپ-تاراپتى باستاما»، - دەپ حابارلادى باسپا ءسوز قىزمەتى.
اۆتور: كەنجەكەي توقتامۇرات قىزى
