استانادا «بولاشاق» حالىقارالىق ستيپەندياسىنىڭ ءتىل مەكتەبى اشىلدى - فوتو
بۇل جەردە 2015 - جىلى «مەملەكەتتىك قىزمەتشىلەر»، «عىلىمي- پەداگوگ قىزمەتكەرلەر»، «مادەنيەت قىزمەتكەرلەرى»، «ب ا ق رەداكسياسىنىڭ قىزمەتكەرلەرى» جانە «ج و و تۇلەكتەرى» ساناتتارى بويىنشا وقۋعا تۇسكەن العاشقى60 ستيپەنديات وقۋدى باستادى،
دەپ حابارلايدى «حالىقارالىق باعدارلامالار ورتالىعى» ا ق باسپا ءسوز قىزمەتى.
اشىلۋ سالتاناتىنا «حالىقارالىق باعدارلامالار ورتالىعى» ا ق پرەزيدەنتى عاني نىعىمەتوۆ، ۇلى بريتانيانىڭ قازاقستان رەسپۋبليكاسىنداعى ەلشىسى، دوكتور كەرولينا براۋن، قازاقستانداعى بريتاندىق كەڭەس ديرەكتورى دجيم باتتەري، ءتىل مەكتەبىنىڭ قىزمەتكەرلەرى، سونداي- اق 2015 - جىلى ستيپەنديا تاعايىندالعان ستيپەندياتتار قاتىستى.
«بولاشاق» ستيپەندياسىن ىسكە اسىرۋدى جەتىلدىرۋ بويىنشا جۇرگىزىلگەن جۇمىس شەڭبەرىندە ءبىز تاريحتا العاش رەت الماتى قالاسىندا 2015 - جىلعى 7 - قازاندا جانە استانا قالاسىندا اعىمداعى جىلعى 1 - اقپاندا ءتىل مەكتەبىن اشتىق.
وسى مەكتەپتىڭ نەگىزگى سەرىكتەسى بريتاندىق كەڭەس بولىپ تابىلادى. مەكتەپ جۇمىسى اعىلشىن ءتىلىن وقىتۋدىڭ «6+6» جاڭا فورماتىن ۇسىنادى، وندا العاشقى 6 ايدا «بولاشاقتىڭ» كۆوتالىق ستيپەندياتتارى اعىلشىن ءتىلىن قازاقستاندا، قالعان 6 ايدا شەتەلدە وقيدى.
وسىلايشا، ستيپەندياتتاردىڭ اعىلشىن ءتىلىن وقۋ تيىمدىلىگى ايتارلىقتاي ارتىپ، تىلدىك دايارلىققا جۇمسالاتىن قارجى قاراجاتتارىن وڭتايلاندىرۋعا قول جەتكىزىلدى، - دەدى «حالىقارالىق باعدارلامالار ورتالىعى» ا ق پرەزيدەنتى عاني نىعىمەتوۆ مەكتەپتىڭ اشىلۋ سالتاناتىندا.
الماتى قالاسىندا ءبىرىنشى ءتىل مەكتەبىنىڭ سالتاناتتى اشىلۋ شاراسى 2015 - جىلعى 7 - قازاندا ءال- فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا ءوتىپ، وندا «بولاشاق» باعدارلاماسىنىڭ 38 ستيپەندياتى وقۋدى باستاعان بولاتىن.
