قازاقستان ساربازدارى ات ۇستىندەگى دايىندىقتارىن باستادى - فوتو
91678 اسكەري بولىمىندە قازاقستاندا عانا ەمەس، سونىمەن بىرگە بۇكىل ت م د- داعى بىردەن-ءبىر تاۋلى-قورىقتىق روتادا جىل سايىنعى اتپەن دايىنداۋ باستالدى، دەپ حابارلادى ۆەدومستۆونىڭ باسپا ءسوز قىزمەتىنەن.
ءبولىم اسكەري قىزمەتشىلەرى سانىنان قۇرالعان جاتتىقتىرۋشى نۇسقاۋشىلار تۇلپارلارمەن جاۋىنگەرلىك دايارلىق بويىنشا جوسپارلى ساباقتار وتكىزەدى. ارميادا جىلقىلاردى پايدالانۋ تاۋلى جەرلەردە بولىمشەلەردىڭ ورنالاسۋىمەن بايلانىستى. ولار تەحنيكا ءۇشىن قولجەتىمسىز ءجۇرىپ وتىلگەن جەردە، تايىز سوقپاق جولداردا، جارالىلاردى شىعارۋ، جەكە قۇرامنىڭ جەدەل قوزعالۋىن جانە وزگە دە تاپسىرمالاردى ورىنداۋ ءۇشىن بولىمشەلەردىڭ ءىس- قيمىلدارىن ۇستاپ تۇرۋ كەزىندە جۇكتەر مەن وق-دارىلەردى تاسىمالداۋ ءۇشىن بەلسەندى تۇردە قولدانىلادى.
اسكەري قىزمەتشىلەر جاڭادان كەلگەندەردى اتقا مىنۋگە، جاۋىنگەرلىك تاپسىرمالاردى ورىنداۋعا، اتقا ءمىنۋدىڭ نەگىزدەرىن ۇيرەتەدى. ۇيرەتۋ بارىسىندا جىلقىلار كەدەرگىلەر جولاعىن ەڭسەرەدى، كۇردەلى تاۋلى جەردە جەكە قۇرامدى تاسىمالدايدى. سونداي-اق ولارعا اۆتوماتتان شىعاتىن قاتتى دىبىستارعا ۇيرەنىسۋ قاجەت. جاۋىنگەرلىك دايارلىق ءارتۇرلى پوليگونداردا وتكىزىلەدى. الىس قاشىقتىقتارعا جىلقىلاردى پويىزبەن تاسىمالدايدى. جەردىڭ گەوگرافيالىق ەرەكشەلىكتەرى مەن جىلدىڭ مەزگىلىنە قاراماستان، اتتار بەرىلگەن تاپسىرمانى ورىندايدى.
اتقا ءمىنۋ دايىندىعى - مىندەتتى ءپان. ال پوليگونداردا جىلقىلارمەن جۇمىس جاساۋ جوسپارعا بايلانىستى ايىنا بىرنەشە رەت وتەدى.
روتا جانىندا جىلقىلاردىڭ دەنساۋلىعىن قاداعالاپ وتىراتىن ۆەتەرينارلىق پۋنكت قىزمەت اتقارادى. روتا قۇرامىندا بارلىعى 52 جۇيرىك بار. ءارقايسىسى ءبىر-ءبىر اسكەري قىزمەتشىگە بەكىتىلگەن جانە ءوزىنىڭ مۇكاممالدىق ءنومىرى بار. تاۋلى-قورىقتىق روتاداعى نەگىزگى قىزمەتتەن باسقا سايگۇلىكتەردىڭ وزگە دە «مادەني» ءومىرى بار. سونىمەن، 2015 -جىلى تارازدا وتكەن قازاق حاندىعىنىڭ 550 جىلدىعىن مەرەكەلەۋگە قاتىستى. ءتۇسىرىلىمى جاركەنت پەن قاپشاعايدا وتكەن «قازاق ەلى» فيلمىنىڭ كەيىپكەرلەرى بولدى.
