فۋتبول: زيدان «رەالعا» قانداي وزگەرىس اكەلدى؟

استانا. قازاقپارات - زينەدين زيدان «رەال» باپكەرى بولعاننان بەرى بەس ويىننىڭ ەشقايسىسىندا جەڭىلگەن جوق.

سىزدەردىڭ نازارلارىڭىزعا زيدان وزگەرتكەن بەس جاڭالىقتى ۇسىنامىز، دەپ جازادى .

يسكو نەگىزگى قۇرامدا

يسكو بۇل ماۋسىمدا ويىنعا وتە سيرەك شىعاتىن. ءبىراق زيدان 23 جاستاعى فۋتبولشىعا ۇلكەن ءۇمىت ارتتى. «رەال» جانكۇيەرلەرى «مالاگانىڭ» بۇرىنعى جارتىلاي قورعاۋشىسىنىڭ كەرەمەت وينايتىندىعىن ەسكە تۇسىرە باستادى. زيدان كەلگەننەن بەرى يسكو الاڭدا 379 مينۋت ويىن كورسەتتى. ال بەنيتەستىڭ كەزىندە بار-جوعى 12 مينۋت الاڭعا شىققان.

سەنىمدى حامەس

حامەس رودريگەس وسى ماۋسىمدى ءساتسىز باستادى. كولۋمبيالىق فۋتبولشى زيداننىڭ كەلۋىمەن العاشقى ەكى ويىندا نەگىزگى قۇرامعا ىلىنبەگەن. ال ودان كەيىن ءوزىنىڭ نەگىزگى قۇرامداعى زاڭدى ورنىنا قايتا ورالدى. ەندى ونى ەشكىمگە بەرمەك ەمەس. گارەت ءبەيلدىڭ جاراقاتى وعان نەگىزگى قۇرامعا ەنۋگە كومەگىن تيگىزدى. ەندى 24 جاستاعى ۆالليالىق الاڭعا ورالعان سوڭ، حامەسپەن نەگىزگى قۇرامداعى ورىنعا تالاسارى ءسوزسىز. «ەسپانولمەن» (6-0) بولعان ويىندا ول «رەال» ءۇشىن 8 -قاراشادان بەرگى العاشقى گولىن سوقتى.

مودريچتىڭ ءوز ورنىنا قايتىپ كەلۋى

زيدان كەلە سالىسىمەن الاڭنىڭ ورتا شەبىن توني كرووس پەن لۋكا مودريچكە سەنىپ تاپسىردى. نەمىس الاڭدا ورتادان ءسال تومەنگە، حورۆات ورتادان ءسال جوعارى ورنالاستى. كارلو انچەلوتتيدىڭ كەزىندە دە وسىلاي بولعان. جەكسەنبى كۇنى «رەال» «گراناداعا» قارسى ويىندا ماتچتىڭ اياقتالۋىنا سوڭعى 5 مينۋت قالعاندا 30 جاستاعى مودريچ الىستان توعىزدىققا توپ ەتكىزىپ، «كورولدىك كلۋبقا» جەڭىس اكەلدى.

بەنزەمانىڭ كۇشەيۋى

كاريم بەنزەما ءوزىنىڭ ارىپتەستەرىنە كەرەمەت كومەكتەسىپ، باپكەرلەردىڭ كوزىنە ءتۇسىپ ءجۇر. زيزۋ كومانداعا كەلگەننەن كەيىن بەنزەما جەتى گول سوقتى. العاشقىسى «دەپورتيۆوعا» قارسى ويىندا سالدى. جەكسەنبىدە «ليوننىڭ» بۇرىنعى شابۋىلشىسى «گراناداعا» قارسى ويىندا ەسەپ اشىپ، وسى ماۋسىمدا 18 ويىنىن وتكىزىپ، 19 گولىن سوقتى.

كارۆاحالدىڭ ورالۋى

زيدان «رەالدى» تەك قانا شابۋىلدا عانا جاقسارتقان جوق. ول كارۆاحالدى دانيلونىڭ ورنىنا قويىپ، بۇرىنعى قالپىنا كەلتىردى. يسپانيالىق فۋتبولشى قاتارىنان ەكى ماتچتا كەرەمەت ويىن كورسەتتى. ءۇش ناتيجەلى پاستىڭ اۆتورى اتاندى. تەك جالعىز ويىندا عانا نەگىزگى قۇرامعا ىلىكپەي قالدى. ال ول ماتچ تەڭ ناتيجەمەن اياقتالعان ەدى. 24 -قاڭتاردا «بەتيسپەن» (1-1) بولعان ويىندا «رەال» جەڭىسكە جەتە المادى.