07:36, 12 - اقپان 2016 | GMT +5
قازاقستاندىق بوكسشىلار مۇحاممەد ءاليدىڭ تۋعان قالاسىنا بارادى
استانا. قازاقپارات - قازاقستانداعى ا ق ش ەلشىلىگى ا ق ش- پەن قازاقستان اراسىنداعى ديپلوماتيالىق قاتىناستاردى ورناتۋدىڭ 25 جىلدىعىن اتاپ ءوتۋ قۇرمەتىنە ارنالعان ناۋقاننىڭ باستالعانىن جاريالادى.
ونىڭ لەيتموتيۆى - مىڭداعان قازاقستاندىق پەن امەريكالىقتى بايلانىستىرىپ وتىرعان دوستىق قارىم- قاتىناس.
«دوستىقتىڭ 25 جىلدىعى» شاراسىنىڭ اياسىندا مۇحاممەد ءاليدىڭ سپورت ورتالىعىمەن تاجىريبە الماسۋ باعدارلاماسى جوسپارلانىپ وتىر.
«قازاقستاندىق بوكسشىلار مەن جاتتىقتىرۋشىلاردىڭ دەلەگاتسياسى ا ق ش- قا امەريكالىق ارىپتەستەرمەن كەزدەسۋ جانە الەۋمەتتىك- باعىتتالعان باعدارلامالار بويىنشا الدىڭعى قاتارلى تاجىريبەمەن الماسۋ ءۇشىن بارادى. مۇحاممەد ءالي ورتالىعى باعدارلامانى ءاليدىڭ تۋعان قالاسى - كەنتۋككي شتاتىنداعى لۋيسۆيلدە ۇيىمداستىرادى»، - دەپ حابارلادى ا ق ش- تىڭ ق ر- داعى ەلشىلىگىنەن.
