استانادا يران يسلام رەسپۋبليكاسىنىڭ قازاقستانداعى ەلشىلىگى رەسمي قابىلداۋ وتكىزدى - فوتو
يران مەملەكەتىنىڭ 37 جىلدىق ۇلتتىق كۇنىنە وراي ۇيىمداستىرعان سالتاناتتى راسىمگە ق ر سىرتقى ىستەر ءمينيسترىنىڭ ورىنباسارى اسقار مۋسينوۆ قاتىستى.
يران يسلام رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى مودجتابا داميرچيلۋ ءوز سوزىندە يران يسلام رەسپۋبليكاسى الەممەن جاسامپاز ىنتىماقتاستىق ستراتەگياسىن ۇستانا وتىرىپ، ءوز سىرتقى ساياساتىندا كورشى ەلدەرمەن، ونىڭ ىشىندە قازاقستان رەسپۋبليكاسىمەن دوستىق قارىم- قاتىناستارىن دامىتۋعا باسىمدىق بەرەتىنىن ايتتى.
«ەكى ەلدىڭ تاريحي، مادەني، ءدىني ورتاقشىلىقتارى مەن جوعارى لاۋازىمدى جاۋاپتى تۇلعالارىنىڭ ەرىك- جىگەرىنىڭ ارقاسىندا، كوپتەگەن ەكونوميكالىق مۇمكىنشىلىكتەردىڭ، ينفراقۇرىلىمدار مەن تەمىر جول، تاسجول، تەڭىز جانە اۋە قاتىناسىنداعى ءتيىمدى كوممۋنيكاتسيالىق جەلىلەردىڭ بولۋىنا جانە دە ەكى ەلدىڭ كوپتەگەن وڭىرلىك جانە جاھاندىق ماسەلەلەر بويىنشا ۇستانىمدارىنىڭ ءبىر باعىتتاس بولۋىنا بايلانىستى يران جانە قازاقستان اراسىنداعى قارىم- قاتىناستار قارقىندى دامۋ ۇستىندە، ەكى ەل قارىم- قاتىناسىنداعى ۇدەرىستى جالعاستىرىپ، قولداعى بار الەۋەتتى بارىنشا پايدالانىپ، ەكى مەملەكەت پرەزيدەنتتەرىنىڭ كەلىسىمىن جۇزەگە اسىرا وتىرىپ، وڭىرگە وڭ وزگەرىستەر اكەلەتىن ەكىجاقتى قارىم- قاتىناستاردىڭ ودان ءارى دامۋىنا كۋا بولاتىنىمىزعا سەنەمىن» ، - دەپ اتاپ ءوتتى ەلشى.
سونداي- اق، ول يران يسلام رەسپۋبليكاسى مەن قازاقستان رەسپۋبليكاسى اراسىنداعى ديپلوماتيالىق قاتىناستاردىڭ 25 -جىلدىعى قارساڭىندا يرانعا قارسى سانكتسيالاردىڭ الىنىپ تاستالۋى ەكى ەل قارىم- قاتىناسىنداعى گۇلدەنۋدىڭ جاڭا ءداۋىرىنىڭ باستالۋىنا زور سەرپىن بەرەتىنىن ايتتى.
شارا بارىسىندا ءسوز العان ق ر سىرتقى ىستەر ءمينيسترىنىڭ ورىنباسارى اسقار مۋسينوۆ ق ر ۇكىمەتى، ق ر ءس ءى م جانە جالپى قازاق حالقى اتىنان يران يسلام رەسپۋبليكاسىنىڭ يسلام ريەۆوليۋتسياسىنىڭ 37 -جىلدىق مەرەيتويىمەن قۇتتىقتاپ، باۋىرلاس يران حالقىنا كوركەيۋ مەن گۇلدەنۋدى تىلەدى.
