قازاقستاندىق تەلەارنا قىسقى وليمپيادا ويىندارىنىڭ اشىلۋ سالتاناتىن كورسەتەدى
دەپ جازىلعان تەلەارنانىڭ سايتىندا.
«نورۆەگيانىڭ ليللەحاممەر قالاسىندا 12-21 - اقپان ارالىعىندا جاسوسپىرىمدەر اراسىنداعى II قىسقى وليمپيادا ويىندارى وتەدى. ويىندارعا 16 سپورت تۇرىنەن 70 مەدال ساراپقا سالىنادى. سونداي- اق، دۇنيەءجۇزىنىڭ 70 مەملەكەتىنەن كەلەتىن 1100 گە جۋىق 15 پەن 18 جاس ارالىعىنداعى جاس سپورتشىلار قاتىسادى»، دەلىنگەن جازبادا.
قىسقى وليمپياداعا قازاقستان اتىنان سپورتتىڭ 9 تۇرىنەن سىنعا تۇسەتىن 18 سپورتشى باق سىنايدى.
ولار: بياتلون (ارينا پانتوۆا، ەۆگەنيا كراسيكوۆا، يۆان دارين، بەرىك جانبولاتوۆ)، كونكيمەن جۇگىرۋ (انۆار مۋحامادەيەۆ، ماريا گروموۆا)، مانەرلەپ سىرعاناۋ (ەليزابەت تۇرسىنبايەۆا)، شورت- ترەك (ەركەبۇلان شامۋحانوۆ، انيتا ناگاي)، تاۋ شاڭعى سپورتى (ەكاتەرينا كارپوۆا)، شاڭعى سپورتى (يۆان ليۋفت، انجەليكا تاراسوۆا)، تۇعىردان شاڭعىمەن سەكىرۋ (سەرگەي تكاچەنكو)، فريستايل (سكي- كروسس) (ولجاس قايرات، ايجان ساپيانوۆا) جانە شانا سپورتى (رومان ەفرەموۆ، دەنيس تاتيانينچەنكو، اناستاسيا بوگاچيەۆا) تۇرلەرىنىڭ وكىلدەرى.
مەملەكەتتىك تۋ كوتەرۋشى بولىپ شورت- ترەك سپورتشىسى ەركەبۇلان شامۋحانوۆ سايلاندى.
ەسكە سالا كەتەيىك، 2012 -جىلى اۆستريانىڭ ينسبرۋك قالاسىندا وتكەن جاسوسپىرىمدەر اراسىنداعى I - قىسقى وليمپيادا ويىندارىندا ءبىزدىڭ سپورتشىلارىمىز 10 سپورت تۇرىنەن قاتىسىپ، ءۇش مەدالعا (1 كۇمىس، 2 قولا) قول جەتكىزىپ، جالپى ەسەپتە 23- ورىنعا يە بولعان ەدى.
ايتا كەتەيىك، «Kazsport» تەلەارناسى Ⅱقىسقى وليمپيادا ويىندارىننىڭ اشىلۋ سالتاناتىن جۇما، 12 - اقپاندا، ساعات 00:00-دە تىكەلەي ەفيردە كورسەتەدى. سونىمەن قاتار، كۇندەلىكتى تۇردە شولۋ جۇرگىزەدى.
