تۇركيا پرەزيدەنتى ەۋرووداققا قىسىم كورسەتە باستادى

استانا. قازاقپارات - تۇركيا پرەزيدەنتى رەجەپ تايىپ ەردوعان بوسقىندار ماسەلەسىنە قاتىستى ەۋروپا وداعىنا سەس كورسەتە باستادى دەپ جازادى 24.kz.

تۇرىك باسشىسى بريۋسسەلدەن ەۋروپاعا اعىلعان بوسقىندارمەن كۇرەسۋ ءۇشىن قارجىلاي كومەكتىڭ كولەمىن ءوسىرۋدى تالاپ ەتتى. پرەزيدەنتتىڭ ايتۋىنشا، وداق تۇركياعا 2 جىلعا ەمەس، ءار جىلعا 3 ميلليارد ەۋرو ءبولۋى ءتيىس.

ەگەر كارى قۇرلىق تۇركيانىڭ تالابىمەن كەلىسپەسە، انكارا شەكاراسىن ايقارا اشىپ، وداقتى بوسقىندارمەن تولتىرۋعا دايىن.

«ەۋروپا ەلدەرى داعدارىستىڭ كوكەسىن سوندا كورەدى»، - دەيدى پرەزيدەنت.

ماسەلەن، وداققا بەت العان ميگرانتتاردىڭ كوبى وسىندا توقتاپ، تۇرىك ەلى كارى قۇرلىققا قورعان بولىپ وتىر. ال پانا ىزدەگەندەردى ۇستاپ تۇرۋ ءۇشىن تۇرىك بيلىگىنە دە قارجى كەرەك.

سوندىقتان انكارا ءوز تالابىنىڭ ورىندى ەكەنىنە سەنىمدى.