سەمەي وبلىستىق تاريحي-ولكەتانۋ مۋزەيى تاعى ءبىر ەرەكشە ەكسپوناتپەن تولىقتى
ول - كادىمگى سۇتتەن ماي الاتىن سەپاراتور. كونە بۇيىم ⅩⅨعاسىردىڭ سوڭى مەن ⅩⅩعاسىردىڭ باس كەزىنە تيەسىلى، دەيدى ماماندار. ءسۇت وڭدەيتىن قۇرىلعى تولىقتاي بولاتتان جاسالعان. قۇرىشتان قۇيىلعان بۇيىمنىڭ تازا سالماعى - 50 كەلى. جادىگەر مۋزەيگە قويىلماس بۇرىن تولىقتاي قالپىنا كەلتىرىلگەن. ماماندار سەپاراتوردىڭ بولشەكتەرى جاقسى ساقتالعان دەپ وتىر. كونە قۇرىلعى فينليانديادا جاسالعان. بىلەتىندەردىڭ ايتۋىنشا، العاشقى ءسۇت وڭدەۋ قۇرىلعىسىن شۆەتسيالىق ونەرتاپقىش، ينجەنەر كارل گۋستوۆ جاساپ شىعارعان.
«2015-جىلى مۋزەي قورىنا تابىستالعان بۇل جادىگەر وتە قۇندى بولىپ تابىلادى. بىرنەشە قۇرامداس بولىگى جەتپەيدى، دەيتۇرعانمەن نەگىزگى بولىگى ساقتالعان. مۇنىڭ سىرتىنداعى ماركاسىنا قاراپ، ىشكى رەسەيدىڭ تەرريتورياسى ارقىلى باتىستان فينليانديا، الدە ەۋروپا تەرريتورياسىنان الماتىعا كەلگەنى بەلگىلى بولىپ تۇر. باعاسىن بولجامداي وتىرىپ، اۋقاتتى وتباسىنىڭ مۇلىگى بولعان، دەپ سانايمىز. ءسۇت تارتاتىن اپپارات اتاۋىنا بايلانىستى سول ماقساتتا پايدالانىلعان»، - دەيدى تاريحي-ولكەتانۋ مۋزەيىنىڭ مامانى ساقتاعان سەردالين.
