رەسەيدىڭ ەڭ رومانتيكالىق قالالارى اتالدى
تۋريستەر بالتىق تەڭىزى جاعاسىنداعى كۋرورتتار مەن «التىن ساقينا» بەلدەۋىندەگى قالالاردى كوبىرەك تاڭداعان.
تىزىمگە جاس جۇبايلار مەن ەرلى-زايىپتى ادامداردىڭ رومانتيكالىق دەمالىسىنا جايلى قوناقۇيلەرى، مەيرامحانالارى جانە كورنەكتى ورىندارى بار قالالار كىردى.
ءبىرىنشى ورىنعا سانكت-پەتەربۋرگ قالاسى ماڭىندا ورنالاسقان پەتەرگوف قالاسى شىقتى، ول ءوزىنىڭ ساراي-ساياباق انسامبلىمەن، باققا جانە سۋبۇرقاقتارعا ورانعان ۇلكەن سارايىمەن تانىمال. مۇندا اسىرەسە ۇيلەنىپ جاتقان جاس جۇبايلار فوتوسەسسياعا ءتۇسۋ ءۇشىن كوپتەپ كەلەدى.
ەكىنشى ورىن بالتىق تەڭىزىنىڭ جاعاسىنداعى زەلەنوگرادسكىگە بەرىلدى. ول ءوزىنىڭ تابيعاتىمەن جانە جاعاجايلارىمەن تۋريستەردى تارتادى. ءۇشىنشى ورىندا روستوۆ ۆەليكي. مۇندا كەلگەن تۋريستەر ساۋلەت ەسكەرتكىشتەرىن، موناستىرلار مەن شىركەۋلەردى، ХVII عاسىردا سالىنعان اقشاڭقان كرەملدى تاماشالايدى.
وسىنداي قالالار وندىعىنا ۆىبورگ، سۋزدال، سۆەتلوگورسك، ليستۆيانكا، پەرەسلاۆل- زالەسسكي، ۋگليچ، پسكوۆ ەندى.
