08:39, 11 - اقپان 2016 | GMT +5
اياتوللا حامەنەي مىڭنان استام سوتتالعاندارعا راقىمشىلىق جاسادى
استانا. قازاقپارات - يراننىڭ رۋحاني باسشىسى اياتوللا الي حامەنەي بەيسەنبىدە تويلاناتىن يسلام ريەۆوليۋتسياسىنىڭ جەڭىس كۇنىنە وراي مىڭنان استام سوتتالعاندارعا راقىمشىلىق ەتۋ تۋرالى جارلىققا قول قويدى.
بۇل تۋرالى ونىڭ باسپا ءسوز قىزمەتى حابارلادى.
«يسلام ريەۆوليۋتسياسىنىڭ جەڭىس كۇنى قارساڭىندا يران باسشىسى سارسەنبى كۇنى كەشكە ەلدىڭ ازاماتتىق، ريەۆوليۋتسيالىق جانە اسكەري سوتتارىمەن سوتتالعان 1059 ادامعا راقىمشىلىق جاساۋ جونىندەگى سوت بيلىگىنىڭ ۇسىنىسىنا كەلىستى»، - دەلىنگەن ۆەدومستۆو حابارلاماسىندا.
اياتوللا الي حامەنەيگە يران جوعارعى سوتىنىڭ ءتوراعاسى اياتوللا سادەك امولي لاريدجاني سوتتالعاندارعا راقىمشىلىق تانىتۋ جايلى ءوتىنىش بىلدىرگەن، دەپ حابارلادى ت ا س س.
