دۇرىس تاماقتانۋ دەگەن نە؟

استانا. قازاقپارات - دۇرىس تاماقتانۋ كەزىندە دە كوپتەگەن تاعامداردان باس تارتۋعا تۋرا كەلەدى. ءبىراق، كۇماندانباڭىز، ادام ازعاسى اتالعان تاعامدارسىز-اق ءوزى قالىپتى ساقتاي الادى.

ادام سەنگىسىز ناتيجەسى تۋرالى ۋادە بەرىپ، ەڭ سوڭىندا دەنساۋلىقتى قۇرتاتىن ديەتالاردان «دۇرىس تاماقتانۋ جۇيەسىنىڭ» ايىرماشىلىعى قانداي؟

كەز كەلگەن ديەتا - بۇل تاماقتانۋ راتسيونىنان ادام اعزاسىنا وتە قاجەتتى تاعامداردى تۇگەلدەي نەمەسە بىرتىندەپ الىپ تاستاۋ عانا ەمەس. ەرتە مە، كەش پە، ايتەۋىر، ديەتانىڭ زاردابىن تارتاتىن كۇن تۋادى. ال ديەتا اياقتالىپ، ادام كۇندەلىكتى تاماقتانۋ رەجيمىنە ورالعان كەزدە، ونىمەن بىرگە ارتىق سالماقتار دا قايتا ورالادى. دۇرىس تاماقتانۋ - بۇل ديەتا ەمەس، سالاۋاتتى ءومىر سالتى.

ديەتا - وتە قيىن نارسە. مەيلى، بەلگىلى ءبىر ۋاقىتقا بولسا دا، ديەتا ساقتاعان كەزدە كوپتەگەن تاعامداردى جەۋگە رۇقسات ەتىلمەيدى. ال دۇرىس تاماقتانۋ جۇيەسىندەگى قاعيدالاردى ۇستانساڭىز، ءسىز تەك گازدى ءتاتتى سۋسىن، فاستفۋد جانە جارتىلاي فابريكاتتاردى جەۋدەن باس تارتاسىز.

ارىقتاۋ ءۇشىن دۇرىس تاماقتانۋ جۇيەسىن ساقتاۋ - بۇل اسا قيىن ەمەس بىرنەشە ەرەجە مەن مىندەتتەردىڭ جيىنتىعى. كەز كەلگەن ءادىس 40 كۇن ىشىندە جاسالاتىنى انىق. بۇل ەرەجەلەردى ساقتانۋ ارقىلى ءسىز ءبىر جارىم ايدا دۇرىس تاماقتانۋعا دەن قويىپ، ءوز اعزاڭىزدى قالىپقا كەلتىرەسىز. سونىمەن، باستايىق.

ءبىر ستاكان ىستىق سۋ - تاڭەرتەگىسىن قابىلدايتىن ەڭ ءبىرىنشى اس بولماق. نەگىزىندە، تازا ىستىق سۋ ىشۋگە تىرىسىڭىز، سەبەبى، ىستىق سۋ اسقازاندى اس قالدىقتارىنان تازارتىپ، اعزاداعى بارلىق جۇيەلەردى ءبىرقالىپقا كەلتىرەدى. تەك قانا سۋ ىشپەي، ستاكانعا ليمون شىرىنى مەن ءبىر قاسىق بالدى، ءزىمبىر شىرىن مەن ۇساقتالعان كوريتسانى قوسىپ جىبەرسەڭىز دە بولادى. بۇل قوسپالار اعزاداعى زات الماسۋدى جاقسارتادى. تاڭعى استى 15-30 مينۋتتان سوڭ ءىشۋ كەرەك.

كۇنى بويى سۋ ءىشۋدى قولعا الىڭىز. ەگەر رۇقسات ەتىلسە، ءبىر كۇندە 2 ليتر تازا سۋ ىشكەن ءجون. ءار ساعات سايىن ءبىر ستاكان سۋ ىشۋگە دەن قويىڭىز. سوندا ءسىز ءىسىنۋدىڭ ازايعانىن، القىنۋدىڭ جوعالعانىن، ال تاماققا تابەت اشىلعانىن بايقايسىز.

بالا باقشاداعى سەكىلدى، كۇنىنە 4-5 رەت شاعىن مولشەردە تاماقتانۋدى ۇيرەنىڭىز. اس قابىلداۋ اراسىنداعى ۇزاق ۋاقىت اس مولشەرى كوبەيىپ، تاماقتى ارتىعىمەن جەگىزىپ، ادام ارانىن اشىپ جىبەرەدى.

جاتار الدىندا كوپ تاماق جەمەڭىز. ساعات كەشكى 18:00 دەن سوڭ تاماق ىشپەۋ كەرەك دەگەن قاعيدانى ۇستانىپ، قارنىڭىز اشىپ قالماسىن. ەڭ سوڭعى اس قابىلداۋ جاتاردان ءۇش ساعات بۇرىن بولۋى كەرەك. ەگەر ءسىز ءتۇن ورتاسىندا ۇيىقتايتىن بولساڭىز، كەشكى استى 21:00 دە قابىلداڭىز.

كەرەك كەڭەس confederation.kz سايتىنان الىندى.