تانىمال ءانشى مۇرات قوجا جاس كەلىنشەگىمەن بىرگە تۇراتىنىن سىناعان حالىققا ءوز جاۋابىن بەردى

استانا. قازاقپارات - كەزىندە وزىندىك تىڭدارماندارى بولعان «نۇرلان مەن مۇرات» توبى ساحناعا قايتا ورالىپ، تۇرسىنبەك قاباتوۆتىڭ «ءازىل الەمى» تەاترىندا ونەر كورسەتكەن بولاتىن.

وسىنى ەسكەرىپ، توپتىڭ الداعى جوسپارلارى تۋرالى سۇراۋدى ءجون كوردىك.

مۇرات قوجا جوسپارلارى تۋرالى سۇراعان العاشقى ساۋالىمىزعا: «ساحناعا قايتا ورالساق تا، ازىرگە جاڭالىعىمىز جوق. تەك باياعى حيت اندەرىمىزدى قايتا قالپىنا كەلتىرىپ جاتىرمىز. وسى جۇمىستاردى بىتىرگەن سوڭ جاڭا ءان جازارمىز»، - دەپ قىسقا قايىردى. بۇدان وزگە وسى ۋاقىتقا دەيىن تەك ونەر سالاسىندا ءجۇرىپ، كاسپي توبىنىڭ قۇرىلۋىنا كوپ ءمان بەرگەندىگىن ايتتى. ءانشى بۇل توپتا 8 جىل ونەر كورسەتكەن بولاتىن.

ءانشىنىڭ ينستاگرام پاراقشاسىنا جاس جۇبايىمەن بىرگە تۇسكەن سۋرەتتەرىنە كوپشىلىك سىن ايتىپ، بۇل ارەكەتىن تۇسىنبەگەن ەدى. بۇل تۋرالى وزىنەن سۇراعانىمىزدا: «اۋزىم بار دەپ ايتا بەرەتىن جاندارعا ايتاتىن اڭگىمە بولەك قوي. اركىمنىڭ ءوز جەكە ءومىرى، تىرلىگى بار. ونىڭ ۇستىنە، ول جاس قىز دەيتىندەي جاس ەمەس، مەنىڭ كەلىنشەگىم. وتاسقانىمىزعا ءبىر جىلدان استى»، - دەپ كوپشىلىكتىڭ الىپ-قاشپا سوزدەرىنە ءمان بەرە بەرمەيتىندىگىن كورسەتتى.

 

 Stan.kz