بەلگىلى جۋرناليست، جازۋشى سەيىلعازى ابدىكارىموۆ دۇنيەدەن ءوتتى
سەيىلعازى ابدىكارىموۆ 1949 -جىلى 1 -قاراشادا قىتايدىڭ تارباعاتاي ايماعىنا قاراستى شاعانتوعاي اۋىلىندا دۇنيەگە كەلگەن. 1962 -جىلى اتا جۇرتى قازاقستانعا قونىس اۋدارادى. 1977 -جىلى قاز م ۋ- دىڭ جۋرناليستيكا فاكۋلتەتىن بىتىرگەن. مادەنيەت مينيسترلىگىنىڭ رەپەرتۋارلىق رەداكسيالىق كوللەگياسىندا رەداكتور، «قازاق ادەبيەتى» گازەتىندە اعا ءتىلشى، قازاق تەلەۆيزياسىندا كوممەنتاتور، قازاق راديوسىندا رەداكتورلىق. قىزمەت اتقارعان.
جازۋشى «اعا سەرجانت» اتتى ەكى ءبولىمدى درامانىڭ، «ۇرەيلى كۇندەر»، «كوپەكورنەۋ»، «مازاسىز ءتۇن»، «قاندى قارىمتا» پەسالارى مەن «بەۋ، قاتيرا-اي» دەگەن ءبىر اكتىلى كومەديانىڭ اۆتورى. «كوزبەكوز» (1979)، «تاستۇلەك» (1990)، «بەلەس، بەلەس، بەلەستەر» (1993) جانە «ونەر مۇراتى» (ە. تولەگەنوۆپەن بىرىگىپ) جيناقتارىنىڭ، «قازاق ونەرىنىڭ اق ورداسىندا» (1997)، «جاقسىدان جاقسى تۋار جارقىلداعان» (1997)، «توبەدە جالبىر بۇلت كوشىپ»، «اقيقاتقا كۋا بولار اي، كۇن بار» كىتاپتارىنىڭ، «عيبراتتى عۇمىر» سەرياسى بويىنشا شىققان «ءامينا» دەرەكتى پوۆەسىنىڭ (2006) اۆتورى. «ار» اتتى راديو-پەساسى قازاق راديوسىنىڭ التىن قورىنا ەنگەن. سونىمەن قاتار «قازاق ونەرىنىڭ انتولوگياسى» ايدارىمەن دايىندالعان 40 قا جۋىق ونەر ادامدارى جايلى حابارى ساقتالعان.
«قازاق ونەرى انتولوگياسىنىڭ» ون تومدىق جوباسىنىڭ اۆتورى ءارى قۇراستىرۋشىسى. «ايەلىمنىڭ كۇيەۋى» اتتى اڭگىمەسى 1996 -جىلى يۋنەسكو-نىڭ «الەم ادەبيەتى» الماناحىندا اعىلشىن تىلىندە جارىق كورگەن.
جازۋشى سەيىلعازى ابدىكارىموۆپەن قوشتاسۋ 11 -اقپان كۇنى ساعات 9 بەن 10 ارالىعىندا جازۋشىلار وداعىندا وتەدى.
